Osynaý múmkindikti týdyryp, qolaıly jaǵdaı jasap otyrǵan qanatqaqty joba Eńbek jáne halyqty áleýmettik qorǵaý mınıstrliginiń bastamasymen qolǵa alynyp jatyr. Erekshe qajettilikteri bar adamdarǵa ınvataksı qyzmetin kórsetý kezinde taksı agregatorlaryn paıdalaný jónindegi jobany júzege asyrýdyń alǵashqy 10 kúninde Astana men Almaty qalalarynda atalǵan qyzmet 268 ret kórsetildi.
Invataksı qyzmetiniń sapasy men kórsetý jyldamdyǵyn arttyrý maqsatynda mınıstrlik ákimdiktermen birlesip, osy qyzmettiń mehanızmine ózgertý engizý týraly sheshim qabyldady. Mysaly, osy kúnge deıin azamattarǵa ınvataksıdi paıdalaný úshin bir kún buryn telefon arqyly jazylý qajet edi. Bul óz saparlaryn aldyn ala josparlaýǵa, ınvataksıdi kútýge májbúr etedi. Sondaı-aq ınvataksı qyzmetterin usyný úshin kólik quraldarynyń jetispeýshiligi jáne basqa da máseleler bar. Mine, endi sharttardy jeńildetý úshin taksı agregatorlaryn tartý boıynsha qanatqaqty joba júzege asyryla bastady.
Ádette agregator jasalǵan saparlardyń tólemaqysynan platformalarynyń paıdasyna belgili mólsherde paıyz aýdaratyn bolsa, mundaǵy basty shart – sol paıyzdyń bolmaýy. Osy jumysty qoldaǵan «Iаndeks» kompanııasy qanatqaqty jobaǵa óteýsiz negizde qatysýǵa nıet bildirdi. Invataksı qyzmetin azamattar atalǵan joba aıasynda «Iаndeks Go» mobıldi qosymshasy arqyly qoldana alady. Jobanyń ereksheligi – qyzmetti alýshy úshin kólikti tezirek tańdaý, onlaın rejiminde tapsyrys mártebesin qadaǵalaý jáne saparlardy baqylaýdyń qarapaıym júıesi.
Bul qosymshada múgedektigi bar adamdar júrgizýshige sapardaǵy erekshe qajettilikteri týraly eskertýi úshin arnaıy múmkindikter ekrany iske qosyldy. О́z kezeginde júrgizýshiler adamdy kólikke otyrǵyzý jáne odan túsýde qalaı kómek kórsetýge bolatyn sekildi qajetti nusqaýlardy alady.
Qanatqaqty jobaǵa alǵashqy kezeńde Astana jáne Almaty qalalarynan múgedektigi bar adamdardyń fokýs-toby qatysady. Qyzmet kórsetýdiń oń nátıjesi bolǵan jaǵdaıda jańa formatta múgedektigi bar adamdardyń basqa toptaryna jáne elimizdiń barlyq óńirinde júzege asyrylady.
