OTANSÚIGIShTIK OTBASYNAN BASTALADY

Burnaǵy kúni Eki­bas­tuzda bastalǵan res­pýblkalyq III Pat­rıottar forýmy keshe, QR Memlekettik rámizder kúninde oblys or­talyǵynda jalǵasty. “Birligimiz ja­rasqan!” atty respýblıkalyq jas­tar forýmyna elimizdiń ár obly­synan top-top bolyp, júzderi jarqyn alaý jastyq kóńilmen myńǵa tarta stýdent jastar keldi. Elimizdiń egemendigi men el­di­gin pash etetin memlekettik rámiz­de­rimizdi ardaqtaıtyn otansúıgish jastar sherýi Ertis ózeni jaǵa­laýynan bastaldy. Kók baıraq týdy kóterip, patrıot jas­tar oblys ortalyǵynda “Dańq” alańyna kelip, batyrlar rýhyna taǵzym etti. Ulttyq rámizder elimizdiń ótkeni jáne bolashaǵy arasyndaǵy sabaqtastyqty bildiredi. Halqymyzdyń rýhyn, ulttyq sanasyn, qaharmandyǵyn, danalyǵyn aıshyqtaıtyn elimizdiń jańa tarıhynyń qasterli betteri deýge bolady. Endeshe, jastardy patrıottyq sezimge tárbıeleýde onyń mán-maǵynasyn túsindirýimiz kerek. Forýmnyń da kózdegen maqsaty osy, deıdi Qazaqstan Jastar kon­gresiniń atqarýshy dırektory Nurlan Sydyqov. “Bir­ligimiz jarasqan!” forýmy aıasynda jastar sherýi uıym­dastyryldy. Maqsaty – árbir jastyń boıynda óziniń Otanyna degen, ózi eliniń rámizderine degen qurmet sezimin oıatý. Iá, Otannyń ózi osy jelbiregen Kók Týdan, Eltańbadan, Ánurannan bastalady. Búgin olar­dyń júzderinde erekshe bir tolqý bar. Bir mezette búkil elimizdiń jastary oryndaǵan Ánuran bizdiń oblys orta­lyǵynda da shyrqaldy. “Meniń elim, meniń Qazaq­stanym!” degen sózder týǵan jerge degen súıispen­shilikti asqaqtatyp, bolashaqqa degen senimdilikke shaqyrady. Otanǵa degen sheksiz qurmetti bir-aq sózge syıǵyzyp tur. “Men birligi jarasqan eldiń ulanymyn!” degen jastar sherýi “Dańq” alańyna kelip jetti. Osy jerde Halyq qaharmany Baqytjan Ertaev sóz sóıledi: “Bizdiń babalarymyz jeńis alyp keldi. Biz tarıhqa bas ıemiz. Elimiz jasasyn, jastar osy joldy jalǵas­tyrsyn!” – dedi aýǵan soǵysynyń ardageri. Bul kúnderi elimizdiń Kók baıraǵy basqa da táýelsiz memleketterdiń týlarymen qatar Birikken Ulttar Uıymynyń Nıý-Iorktegi shtab-páterinde jelbirep tur. Olımpıada kezinde elimizdiń sportshylary je­ńistiń qurmetine kóteriledi. Eltańbamyz ulttyq teń­gemizde beınelegen. Memlekettik rámizder ǵarysh­ker­lermen birge kók júzinde, ǵaryshta da bolyp qaıtty. Mine, osyndaı qundylyqtardy jastar bilýleri úshin jyl saıyn rámizder kúni atalyp ótiledi. Jigerli jastardyń merekelik sherýi elimizdiń qunydylyq­­taryn qasterlep, mártebesin asqaqtatyp, jastardy bir jerge toptastyrdy Bári de osy bir kúnniń shynaıy mánin uǵyp, qoldaryna ustaǵan Kók Týlaryn jel­biretip, ásem jaǵalaýdy naǵyz patrıottar merekesine aınaldyrdy. Sherýge qatysqan jastar Rámizder kúni birliktiń, tatýlyqtyń, dostyqtyń mekeni – elimizge arnap ánder shyrqady. Sonymen qatar, “Kók baıraq týymyz”, “Máńgilik Eltańba”, “Qasıetti Ánuran” dep atalǵan sherý baǵytymen memlekettiń eldik, egemendik ulyq belgilerin kóterip, oblys ortalyǵynyń kóshe­lerin aralap júrip, “Astana” muz aıdyny saraıyna keldi. Osy jerde “Qazaqstan patrıotta­ry­nyń forýmyna” qatysýshylar – olar­dyń arasynda jastar, stýdentter, bilimdi saıysker jeńimpazdar, sportshylar bar, “Birgemiz – berik irgemiz” dep ózderiniń 2007 jyldan bastap atalyp kele jatqan elimizdiń Rámizder kúnin qurmettep, oǵan bas ıetinderin jetkizdi. Júzderi bal-bul janǵan jastar, “Jas Otan” jastar qa­natynyń músheleri keýdelerine qoldaryn qoıyp, Kók Týdyń qasyna kelip turdy. “Biz – jas patrıottar elimizdiń Kók Tý­yn árqashan berik qolda myqty u­s­­taımyz, Otan – bireý, jastar árqashan se­nimen birge”, desti olar. Ekinshi qatarǵa sah­na tórine sportshylar Elena Hrýsta­leva, Muhtarhan Dildábekov, aýǵan soǵysynyń arda­geri Baqytjan Ertaev, jerlesimiz, beıbit kúni erlik kórsetken, sheni kapıtan jerlesimiz Qadirjan Qazy­baev, ataqty ánshi Roza Rymbaeva shaqyryldy. Ánshi: “Otanyn súıetin osyndaı patrıottary bar el baqyt­ty”, – dedi. Ra­synda da, biri ásem ánderimen, biri sporttaǵy jeńi­simen eldiń týyn, rýhyn bıik kótergen, endi biri ota­nyn qorǵap batyr atanǵan patrıotttar, mine, osylaı jastarǵa úlgi-ónege bolýda. Úshinshi qatarǵa jaqynda ǵana Jeńis merekesin atap ótken soǵys ardagerleri kelip qosyldy. Úsh urpaq ókilderi osylaı toǵysty. Barlyǵyna da Elbasy Nursultan Nazarbaevtyń “Qazaqstan joly” kitaby syıǵa tartyldy. Rámizder kúni qurmetine shyǵarylǵan arnaıy qurmetti belgilermen marapattaldy. Biz osy jerde Soltústik Qazaqstan oblysynan kel­gen Dınara Berikqyzymen pikirlestik. Ol: “Júregi jerim, elim dep soqqan árbir patrıot jas úshin bul kún erekshe kún dep oılaımyn. Osyndaı mereke kúniniń bolǵany kerek, rámizderdiń qandaı qasıeti baryn árbir jas uǵynyp, ony qadirlep ósýi tıis, patrıottyq degen jaı ǵana sóz emes, óziń ómir súrgen el úshin qyzmet jasaý, kerek kezinde Baqytjan aǵa­lardaı kúrese de bilý”, – dedi. Kerekýlik jigit Erke­bu­lan Aldabergenov bolsa: “Men ózimdi elimniń shy­naıy patrıotymyn dep sanaımyn. О́zbekstannan kó­ship keldik, árıne, qazaǵym, elim, jerim dep keldik, en­di osy eldiń birligi, bolashaǵy úshin qyzmet ja­saı­myn, myna jastar ana tilderin súısin, qurmettesin, barlyǵy sol tildi súıýden bastalady ǵoı”, – dedi. Keń ekrannan elimiz turǵyndarynyń birligin aı­qyndaıtyn kórinister kórsetildi. Elimizdiń ár ob­ly­symen tikeleı baılanysqa shyqqan júrgizýshiler ar­qy­ly Petropavl-Shymkent, Atyraý, О́skemen qala­larynda ótip jatqan forým maqsatyna saı sol jer­lerde turatyn elin, jerin súıgish el patrıot­tarynyń júrekjardy lebizderi jastarǵa arnalyp jatty. Al jastar úshin Almatydan kelgen ózderiniń súıikti oryndaýshylary “Mýzart” toby men “Domıno” úlken syılyq boldy. El men jerge degen patrıottyq taqyrypta ánder oryndaǵan ónerli toptar Rámizder kúni merekesiniń sánin de mánin de asha tústi. Farıda BYQAI. PAVLODAR.