«Omby baǵytyndaǵy jolda arnaıy jasaqtyń kómegimen júk kóligin tizgindegen 54 jastaǵy Qyrǵyzstan azamaty ustaldy. Júk kóliginiń Volvo markaly tirkemesinde Qyrǵyzstannan Reseıge jetkizilýi tıis qarbyzben qosa, 59 kılogramm «geroın» salynǵan 21 polıetılendi orama jáne 10 kılogramm «gashısh» salynǵan eki orama anyqtalyp, tárkilendi», dedi IIM esirtki qylmysyna qarsy is-qımyl departamenti bastyǵynyń orynbasary Asqar Muhametqalıev.
Aıta keteıik, bul shamamen 250 myń bir rettik doza, onyń qara naryqtaǵy quny 2,5 mıllıon dollardan asady. QR QK-niń 286-baby 4-bóligi boıynsha sotqa deıingi is júrgizý bastaldy (Aınalymnan alynǵan zattardyń nemese aınalymy shektelgen zattardyń kontrabandasy). Qylmysker múlkinen aıyrylyp, 20 jylǵa sottalýy múmkin.
