Baqytjan Qabekulynyń ómir joly, aýyr naýqasqa shaldyqsa da sporttyń arqasynda ony jeńip shyqqany, aýdannyń júzdegen sańlaǵyn tárbıelegen ustazdyǵy aýdan jurtshylyǵynyń kóz aldynda ótti.
Ardagerler arasyndaǵy týrnırge Kúrshim, Katonqaraǵaı, Ulan aýdandarynan bes komanda qatysty. Jarys tartysty ótti. Ásirese Kúrshim, Katonqaraǵaı aýdandarynan at terletip kelgen saqa voleıbolshylar buqaralyq sportpen myqtap shuǵyldanatyndaryn dáleldedi. Ulandyqtar da namysty qoldan bergen joq. Nátıjesinde Ulan, Kúrshim, Katonqaraǵaı aýdandarynyń voleıbolshylary júldeli oryndardy bólisti.
Belgili kásipker Qaırat Mýsın, Serik Súleımenov, Baqytjannyń tól shákirtteri Erkin Qaıyrbaev, Serik Omarhanov, Erbol Jaqypov, taǵy basqalar týrnırdiń ótýine kómekterin jasady. Almatylyq kásipker Razbek Baıtileý arnaıy jasaǵan eskertkish-medali men qomaqty syı-sııapatyn berip jiberipti. Ony Qaırat Maratuly tapsyrdy.
Týrnır aıaqtalǵan soń Baqytjan Qabekuly jınalǵandarǵa alǵysyn aıtty. Ulan aýdany ákimdiginiń buqaralyq sportty damytýdaǵy ıgilikti isterine toqtalyp, aldaǵy ýaqytta da bul is-shara jalǵasa beretinin aıtty. Týrnır aıaqtalǵan soń jeńimpaz komandalar marapattaldy.
Qalaı degende de, Ulan aýdanynda buqaralyq sportqa erekshe kóńil bólinetinin atap ótken jón.
Ońdasyn Elýbaı,
ardager jýrnalıst
Shyǵys Qazaqstan oblysy,
Ulan aýdany
