Qazirgi kezde oqýlyqtardyń 80 paıyzy sıfrlyq formatqa kóshirilgen. Sıfrlyq nusqadaǵy oqýlyqtar memlekettik saraptamadan ótip, oqý-ádistemelik keshender tizimine engizildi. Sıfrlyq oqýlyqtardy ázirleýge 11 baspa tartylǵan. Pánderdi oqytýdyń ınnovasııalyq tásilderin engizý maqsatynda pedagogterdiń ony paıdalanýy úshin ádistemelik usynymdar ázirlenip, oqytylǵan.
– Qazirgi kúni elimizdegi bastaýysh synyp oqýlyqtarynyń 94 paıyzy, 5-9 synyp oqýlyqtarynyń 81 paıyzy, 10-11 synyp oqýlyqtarynyń 61 paıyzy elektrondy nusqaǵa kóshirilgen. 2024 jyly pánderdi sıfrlyq oqýlyqtarmen 100 paıyz qamtý josparlanǵan, – dedi Oqý-aǵartý mınıstrligi Orta bilim komıtetiniń tóraǵasy Qanybek
Jumashev.
Oqý-aǵartý mınıstrliginiń málimetinshe, elektrondy oqýlyqtarmen qatar mektepterde qosymsha oqý materıaly retinde mýltımedıalyq kontenti bar sıfrlyq bilim berý resýrstary da jıi qoldanylady. Qazir 50 myńnan asa sıfrlyq bilim berý resýrsy jasaldy.
2023 jyldyń basynan bastap sıfrlyq bilim berý resýrstaryna 6,7 myń mektep qosyldy. Bul resýrstardy búginde kún saıyn 3 mıllıondaı oqýshy men muǵalim qoldanyp kele di. Sıfrlyq bilim resýrstarynda barlyq synypty qamtıtyn 50 myńnan asa beınesabaq jarııalanǵan.
