Úkimet shart talaptaryn buzǵan jer qoınaýyn paıdalanýshylarmen jasalǵan kelisimsharttar men lısenzııalardy qaıta qaraý boıynsha jumys júrgizip jatyr. Osylaısha, júrgizilgen taldaý nátıjelerine sáıkes ýákiletti organdar 118 kelisimshartty (2023 jyldyń basynan beri – 19 kelisimshart) jáne qatty paıdaly qazbalar (PQQ) boıynsha 245 lısenzııany (2023 jyldyń basynan beri – 42 lısenzııa), sondaı-aq kómirsýtek shıkizaty boıynsha 27 kelisimshartty (2023 jyldyń basynan beri – 15 lısenzııa) buzdy.
Nátıjesinde altyn, kómir, temir, mys, kómirsýtekter, boksıtter, polımetaldar jáne t. b. ken oryndary memlekettik qorǵa qaıtaryldy, olar keıinnen jańa ınvestorlarǵa berý úshin ashyq aýksıonǵa shyǵarylady. Bul jer qoınaýyn paıdalaný salasynda qosymsha ınvestısııalar aǵynyn qamtamasyz etedi.
Qazirgi tańnyń ózinde 2023 jyly ótkizilgen aýksıondardyń qorytyndysy boıynsha el bıýdjetine 1,5 mlrd teńge kóleminde qol qoıý bonýsy tólendi. Bul rette kómirsýtegi shıkizatyn barlaý boıynsha jańa ınvestısııalar 15,7 mlrd teńgeden asady.
Jer qoınaýyn paıdalaný quqyǵyn berý boıynsha aýksıonǵa barlyq múddeli ınvestorlar qatysa alady. Olardy ótkizý týraly aqparat mindetti túrde respýblıkalyq merzimdi basylymdarda jáne memlekettik organdardyń ınternet-resýrstaryna ornalastyrylady.
Bul rette ýákiletti organdar qarjylyq mindettemelerdi buzǵan jer qoınaýyn paıdalanýshylarǵa aıyppul sanksııalaryn qoldaný boıynsha jumys júrgizip jatyr. Osylaısha, memleket esebine qatty paıdaly qazbalar boıynsha 934 mln teńge aıyppul óndirildi (2023 jyldyń basynan beri 603 mln teńge), sondaı-aq kómirsýtek shıkizaty salasyndaǵy 9 kelisimshart boıynsha 1,94 mlrd teńge bereshek óteldi.
Úkimettiń jer qoınaýyn paıdalaný salasyn odan ári damytý jónindegi jumysy jalǵasady.
