Qos qarsylas alǵashqy taımnyń ortasyna deıin teketires oıyn kórsetti. Jıyrma altynshy mınýtta qonaqtardyń ortadan uıymdastyrǵan ótkir shabýylynyń nátıjesinde jartylaı qorǵaýshy Anton Kade esep ashty. Esep – 0:1.
Oıynnyń otyz birinshi mınýtynda alań ıeleri óz aıyp alańynda tártip buzyp, tóreshi 11 metrlik aıyp soqqysyn belgiledi. «Bazeldiń» boıshań shabýylshysy Jan-Kevın Ogýstın múlt ketpedi. Esep 0:2-ge jetti.
Qyryq úshinshi mınýttaǵy ońtaıly sátti paıdalanyp shabýylǵa shyqqan «Tobyldyń» afrıkalyq legıoneri Serj Debleniń ekpinine eshkim tosqaýyl bola almady. Qonaqtar óz qaqpasyna tóngen ala dopty qolmen toqtatýǵa májbúr boldy. «Bazeldiń» aıyp alańynda belgilengen on bir metrlik aıyp soqqysyn Serdj Debleniń ózi sátti oryndady.
Jalpy esep - 4:3. Konferensııa lıgasynyń úshinshi kezeńine ótken «Tobyl» endi Soltústik Irlandııanyń «Derrı Sıtı» komandasymen ótkizedi. 
