«Izdestirý jumystary kezinde eki dron paıdalanyldy. Búgin saǵat 13:00 shamasynda qyzdyń máıiti «Úbis» aryǵynan tabyldy. Máıittiń denesinde zorlyq-zombylyq belgileri baıqalmaǵan. Aldyn ala málimetterge sáıkes, qyz sýǵa batyp ketken. Qazir sotqa deıingi tergep-tekserý áreketteri júrgizilip jatyr, tıisti saraptamalar taǵaıyndaldy», delingen habarlamada.
Eske sala ketsek, 7 jastaǵy qyz 6 tamyz kúni keshki ýaqytta úıinen shyǵyp ketip, qaıta oralmaǵan.
Ata-anasy men týystary qyzdy ózderi tabýǵa tyrysqan. Alaıda izdeý nátıje bermegen soń polısııaǵa júgingen. Habarlama túsken sátten bastap polısııa qyzmetkerleri dereý izdeýge kiristi. Joǵalǵan qyzdy izdeýge Qarmaqshy aýdandyq polısııa bóliminiń jeke quramy, TJD, aýdan ákimdiginiń qyzmetkerleri, eriktiler, jalpy 60-tan astam adam jumyldyryldy.
