Qaıta kórkeıgen dendrosaıabaq

Shymkentte jylda jazdyń kúnderi kún qatty ystyq bolady. Eldiń ońtústigindegi shahar turǵyndary úshin bul qubylys tosyn jaǵdaı emes, árıne. De­gen­men qurǵaq­shylyqtyń saldary qalaǵa da keri áserin tıgizip úlgergen-di. Sonyń kesirinen mega­polıstiń ásem de kórikti jer­leriniń biri A.Asqarov atynda­ǵy dendrologııalyq saıa­baq­tyń ishind­egi aǵash-taldar sarǵaıyp, qýraı bastaǵan edi. Tipti ótken jyly kún­niń ystyǵynan qaıta-qaıta órt shyǵyp, tótenshe jaǵ­daı oryn alǵan. Abyroı bol­ǵanda qyzyl jalyndy mamandar, saıabaq qyzmetkerleri jabylyp júrip sóndirip otyrdy. Dendrosaıabaqqa keletin aǵyn sý mólsheri de azaıyp ket­ken­dikten, tıisti basqarma ókilderi tyǵyryqtan shyǵar joldy izdep, sırek kezdesetin aǵash-taldardy qýratyp almaýdyń aldyn alý úshin sý tasyǵysh kólik­terdi jaldap, kók jelekti qolmen sýardy.

Dendrosaıabaq – shahardyń eń súıikti tynyǵý aımaǵy. Kún­niń aptap ystyǵynda qala tur­ǵyndary da, qonaqtar da osynda kelip, serýendep, tal kóleńke­sin saıalaıdy. Kezinde oblysty bas­qarǵan memleket jáne qoǵam qaıratkeri Asanbaı Asqarov­tyń bas­tamasymen salynǵan dendro­saıabaqty jasyl jelegimen aınalany kómkerip turǵan qala­nyń naǵyz «ókpesi» deýge bolady. Sonymen birge kún saıyn ta­ńerteń densaýlyǵyna beıjaı qaramaıtyn shymkenttikter kári-jasyna qaramaı saıabaqta dene shynyqtyrýmen aınalysady. Gımnastıka men ártúrli sport­tyq jattyǵý jasaıdy. Onyń ishinde skan­dınavııalyq júrý tásili bar. Osydan biraz ýaqyt buryn dendro­saıabaqqa aýqymdy qu­rylys ju­mys­tary júrgizilip, ishi biraz abat­tandyrylyp, kórkeıtilgen bolatyn. Sonyń aıasynda zamanaýı velosıped jolaǵy salynyp, oryndyqtar jańalandy, kóp jerlerge dıodty jaryqshamdar ornatyldy. Ásirese bul ósimdik álemine qyzyǵatyn jas ǵalym­dar men mektep oqýshylarynyń jáne joǵary oqý oryndary­nyń stýdentteri úshin zertteý jumystaryn júrgizýine taptyr­mas oryn sanalady. О́ıtkeni mun­da álemniń tórt buryshyn­da ósetin jáne sırek kezdesetin taldar ósedi. Al olardy shetelderden ákelip, elimizdiń ońtústik óńirinde jersindirýge otandyq ǵalymdar kóp eńbek sińirgenin umytpaǵan lázim.

Mine, osyndaı qazynaly me­kendi bas­tapqy kúıindeı saqtap qalý qala ákimdigi­niń aldynda turǵan basty mindetke aınaldy. Sóıtip, birinshi kezekte shahar­dyń ırrıgasııalyq júıelerin qalpyna kelti­rýge kiristi. Sonaý Badam sý qoımasynan tike­leı dendrosaıabaqqa aǵyp keletin uzyn­dy­ǵy 23 shaqyrymdyq úlken kanaldy jón­dep, qalpyna kel­tirdi. Sonyń nátıjesinde bıyl saıabaq ishindegi jap-jasyl kól sýy­nyń deńgeıi tómen tartyp, azaıyp qalmady. Bárinen buryn aıdyn kóldiń betinde júz­gen qos aqqýlarǵa raqat boldy. Adamdar da ár kelgen saıyn mahabattyń sımvoly syń­syǵan aqqýlardy kórip qýanyp, tula-boıdy bılegen názik sezimniń shyrmaýynda qalady. Budan bólek, ákimdiktiń qolǵa alǵan jumystary arqyly saıabaq ishinen 4 uńǵyma qazyldy. Týǵan qalasy Shymkentke ja­ny ashıtyn qaltaly azamattar da osy aradan ta­bylyp jatty. Osyn­daı demeýshilerdiń esebi­nen sýarý jumystaryna 4 tehnıka ju­myldyryldy. Olarǵa qosymsha 20 adam kó­mekke kelip, qol járdemin berdi.

A.Asqarov atyndaǵy Shym­kent dendro­logııa­lyq saıabaǵy qala­lyq jaıly ortany damy­tý basqarmasyna qaraıdy. Atal­ǵan mekeme mamandarynyń málim­deýinshe, búgingi tańda bir sý uńǵymasy iske qosylyp, saıa­baqtyń Tulpar aımaǵyndaǵy ný aǵashtar sýa­rylyp jatyr. Aldaǵy kúnderi saıabaq aýma­ǵynan qazylǵan taǵy 2 uńǵyma paıdalanýǵa be­riledi dep otyr. Al dendrosaıabaqtaǵy ǵy­ly­mı qyzmetkerler orman aǵash­tary­nyń saıaly bolyp jaıqalyp ósýine bar jaǵ­daıdy jasap otyr. Ol úshin qalalyq ákim­­dik mamandar­ǵa qajetti barlyq múm­kindik­ti qarasty­ryp berip jatyr. Osylaısha, ere­k­she qorǵala­tyn tabıǵı aımaq megapo­lıs tur­ǵyn­dary ­men qonaqtarynyń ıgi­­ligi úshin árdaıym qyzmet ­ete bermek.