Tobyl óńirindegi dástúrli spartakıada

Osydan eki jyl buryn ǵana tolyq­taı jóndeýden ótken aýdan ortaly­ǵy Sılantev kentindegi sport kesheni alys-jaqynnan jınalǵan jurtqa lyq toldy. Sport merekesi ásem án-kúımen, kópshilikti salamatty ómir saltyna úndeıtin teatrlandyrylǵan qoıylymmen ashyldy. Odan keıin oblystyń 20 óńirinen kelgen sportshylar sap quryp, spartakıada alaýy jaǵyldy. Saltanatqa arnaıy kelip qatysqan aımaq basshysy sportshylarǵa sáttilik tilep, jınalǵan jurtqa quttyqtaý sózin arnady.

– Barshańyzdy otyz altynshy «Tyń-Selına» spartakıadasynyń ashylýymen quttyqtaımyn. Bul aıtýly doda buqaralyq sportty odan ári damytýǵa, dostyqty nyǵaıtýǵa jáne ortaq maq­sat­tarǵa jetýge kómektesedi. Bizdiń min­­det – Qostanaı oblysyn elimizdegi eń sportqa jaqyn óńirge aınaldyrý. Sondyqtan sport ınfraqurylymyn jaqsartýǵa kúsh salamyz. Aldaǵy ýaqytta barlyq aýdannyń ortalyq stadıondaryn kúr­deli jóndeýden ótkizip, aýdan ortalyqtaryn­da saýyqtyrý keshende­rin, onyń janynan jabyq muzaıdynda­­ryn ­salýdy josparlap qoıdyq. Búginde ob­lysta 340 myńǵa jýyq adam nemese halyq­tyń 40 paıyzy belsendi túrde sportpen shuǵyldanady. Onyń ishinde 85 myń bala turaqty túrde sport sek­sııala­ryna baryp, belgili bir sport túrimen aınalysyp júr. Bul – buqaralyq sportty nasıhattaý baǵytynda atqarylyp jat­qan jumystardyń jemisi ekeni sózsiz, dedi Qumar Aqsaqalov.

Oblys ákimi odan keıin óńir spor­tynyń damýyna eńbek sińirgen birqa­tar sportshyǵa arnaıy dıplom men aqsha­laı syılyq tabys etti.

Keshkilik spartakıadanyń ashylý saltanatyna arnaıy shaqyrtylǵan Qaırat Nurtas, Ámire jáne Kalıfarnııa syndy estrada juldyzdarynyń konserti bas­taldy. Kópshilik, ásirese jastar arasyn­da keń tanymal bolǵan ónerpazdardy erekshe yqylaspen qarsy alyp, ónerlerin tik turyp tamashalady. Konsert sońy bı keshine ulasyp, halyq shat-shadyman kóńil kúımen tarqasty.

Kelesi kúni óz óńirleriniń namysyn arqalaı kelgen 20 komandanyń básekesi bastaldy. Sport oıyndary bir mezette aýdannyń ár tusynda ótip jatty. Bul jerde ár aýdannan kelgen komandalar quramyndaǵy sportshylar sany jaǵynan birdeı bolmaǵanyn aıta ketken jón. Máselen, jarysqa Rýdnyı qalasynyń atynan 100-den asa sportshy shyqsa, oblys ortalyǵynan shalǵaı jatqan Jangeldın aýdanynyń jalaýyn kótergen sportshylardyń sany – elýdiń aınalasynda ǵana.

– Dop oıyndaryn qospaǵanda, biz komandalyq oıyndardyń birazyna qaty­sa almaımyz. О́ıtkeni Torǵaı óńirinde spartakıada baǵdarlamasyndaǵy sport túrleriniń birazy joq. Jekelegen sport túrlerinen qatysýshylar jetkilikti. Mysaly, ózim qazaq kúresinen synǵa tú­sýge keldim. Jalpy, komandalyq upaı jınaýda iri qalalarmen básekelesý ońaıǵa túspesi anyq. Deı turǵanmen, jerlesterimiz namysty qoldan bermeı, jaqsy nátıje kórsetedi degen úmittemin, – dedi Jangeldın aýdanyna qarasty Qalam-Qarasý aýylynyń ákimi Berik Muhambedın.

Sılantev, Obaǵan jáne Bolshoı Chýrakov aýyldaryna qonystanǵan sportshylar spartakıada kestesine sáıkes úsh kún boıy synǵa tústi. Jarystyń al­ǵashqy kúni grek-rım kúresiniń úzdik­teri anyqtaldy. Komandalyq esepte Qostanaı qalasy – birinshi, Qostanaı aýdany – ekinshi, Áýlıekól aýdany úshin­shi oryn ıelendi. Kir kóterý boıyn­sha Qostanaı qalasynyń sportshylaryna eshkim shaq kelmedi. Arqalyq qalasy­nyń bilektileri ekinshi orynnan kórinse, Qostanaı aýdanynyń sportshylary úshinshi orynǵa taban tiredi. Jeńil atletıkadan jitiqaralyqtar men Lısakov qalasynyń jelaıaqtary jeńis tuǵyrynan kórindi.

Oblystyń ońtústik óńirleri qa­zaq kú­resinen qaı kezden-aq úzdik ná­tı­­je kórsetip keledi. Osy jolǵy spartakıada-
da komandalyq esep boıynsha, Arqa­lyq qalasynyń balýandary jeńisti ju­lyp áketti. Aıtalyq, 60 kılo salmaqta Ákimbek Qaırat, 90 kıloda Nursultan Sálimjan, 100 kıloda Bekbolat Jasulan jeńimpaz atanyp, komanda jeńis tuǵy­rynan kórindi. 2-oryndy Qostanaı qa­lasy ıelense, 3-oryn Qostanaı aýdanyna buıyrdy. Dzıýdo kúresinen de Arqalyqtyń erler jáne qyzdar komandasyna shaq keletin eshkim tabylmady.

Kópshiliktiń delebesin qozdyr­ǵan tartysty básekeniń biri – at jarysy bol­dy. ­6 shaqyrymdyq qunan báıgede Meńdi­qara aýdanynan kelgen Elnur О́tegen­niń «Besqara» atty júırigi kóm­bege birin­shi keldi. 12 shaqyrymdyq top báıge­de Áýlıekól aýdanynan kel­gen «Noǵaı Qara» top ishinen qara úzdi. Al 20 shaqyrymdyq alaman báıgeniń bas júldesi Atyraý ob­ly­synyń «Toıtory» dep atalatyn tul­paryna buıyrdy.

– «Besqara» ózim baptap júrgeli beri az júlde oljalaǵan joq. Únemi úzdik úshtiktiń qatarynan kórinip júr. Osy joly da baǵy men baby qatar keli­sip, qunan báıgede birinshi keldi. Qýa­nyshtymyn. 300 myń teńge qanjyǵaǵa baılandy. Buıyrtsa, áli talaı báıgelerde juldyzy janady dep senemin, – deıdi atbegi Elnur О́tegen.

Sonymen jarystyń úshinshi kúnin dop oıyndary túıindep, tús aýa oblys­tyq spartakıadanyń qorytyndysyn jarııalaýǵa arnalǵan rásim ótti. Ja­rys­­tyń bas tóreshisi, oblystyq Dene shy­nyqtyrý jáne sport bólimi basshy­synyń orynbasary Elena Kıreeva ­jıyr­ma komandanyń úsh kún boıy jı­ǵan upaılaryn jarııa etti. Aýdandar arasynda Qarasý – úshinshi oryn (234 upaı), Beıimbet Maılın aýdany – ekinshi (236 upaı), Qostanaı aýdany birinshi oryn (278 upaı) ıelendi. Al jalpykomanda­lyq esepte spartakıadanyń bas kýbogi 317 upaı jınaǵan Qostanaı qalasy­nyń sportshylaryna buıyrdy. Qostanaı osy­men onynshy ret chempıon atanyp otyr. Rýd­nyılyqtar 295 upaımen 2-oryndy en­shilese, Qostanaı aýdanynyń sport­shylary 3-oryndy qanaǵat tutty.

Sport merekesiniń jabylý rásimin­de dástúrli spartakıadasynyń baı­raǵy Qarabalyq aýdanyna tabys etildi.