Túrkistan oblysynyń týmasy ýaqytsha ápkesiniń úıinde turǵan.
Jedel-izdestirý jumystaryna Shymkent qalasy PD-niń barlyq jeke quramy jumyldyryldy. Otandyq BAQ-ta jáne áleýmettik jelide 18 jastaǵy qyzdyń is-tússiz joǵalǵany týraly habarlandyrý taratyldy.
Úsh kún boıy úzdiksiz júrgizilgen izdeý jumystary oń nátıje bergen joq.
«Búgin túngi saǵat 01:30 shamasynda Ál-Farabı APB-ǵa týystary úıdiń jertólesinen joǵalǵan qyzdyń óli denesin tapqany týraly habarlady. Oqıǵa ornyna barǵan jedel tergeý toby jertóleden tósek jaımasyna oralǵan, denesinde zorlyq belgileri bar máıitti anyqtady. Boıjetkendi týǵan jezdesi óltirdi degen nusqa qarastyrylyp jatyr», delingen habarlamada.
QR QK 99-baby «Adam óltirý» boıynsha sotqa deıingi tergeý amaldary júrgizilip jatyr.
Qajetti saraptamalar taǵaıyndaldy. Kúdikti ÝUI-ǵa qamaldy.
О́zge aqparat QR QPK-niń 201-babyna sáıkes jarııalaýǵa jatpaıdy.
