AQSh-tyń Adam resýrstary basqarmasy memlekettik qyzmetkerlerge jumys kúnin belgilengen ýaqyttan eki saǵat buryn aıaqtaý jáne ǵımarattardy 15:00-den keshiktirmeı evakýasııalaý týraly buıryq shyǵardy, keıin úkimettik ǵımarattar da ýaqytsha jabyldy. Jumys oryndarynda tótenshe jaǵdaılar departamentiniń qyzmetkerleri ǵana qaldy. AQSh astanasynyń turǵyndaryna 4-deńgeıdegi daýyldy eskertý jarııalandy.
7 tamyz kúni keshke AQSh-tyń Ulttyq meteorologııalyq bıýrosy Vashıngtonda jáne eldiń shyǵys bóliginde tornado qaýpine baılanysty daýyldy eskertý jarııalady. Sınoptıkter AQSh-tyń birneshe shtatynda qatty daýyl soǵyp, burshaq jaýady dep boljady. Shyǵys shtattardyń turǵyndaryna uzaq saparǵa shyqpaýǵa jáne úıde bolýǵa keńes berildi.
Tornado qaýpi Vashıngtonnan basqa Merılend, Soltústik Karolına, Vırdjınııa jáne Batys Vırdjınııa, Tennessı jáne Kentýkkı shtattarynda saqtalady.
Aıta keteıik, tórtinshi deńgeıli daýyl týraly eskertý AQSh astanasynda on jyldan beri jarııalanbaǵan, ol sońǵy ret 2013 jyly, shtattardyń shyǵys bóligin birden alty tornado soqqan kezde jarııalanǵan edi.
