Qasym-Jomart Toqaev kásiporyn sehtaryn aralap, zaýyt ónimderimen tanysty. Kásiporynda beton, irgetas bloktary, kirpish sekildi qurylys materıaldary óndiriledi. Taıaýda zaýytta tómen qysymdy polıetılennen dıametri úlken qubyrlar shyǵaratyn óndiristik jeli iske qosyldy. О́nim sharýashylyq-aýyzsý jáne tehnıkalyq sýmen jabdyqtaý qubyrlaryn salýda keńinen qoldanylady.
Kásiporyn basshylyǵynyń aıtýynsha, búginde óndiris ınfraqurylymyna 20 mıllıard teńge shamasynda ınvestısııa quıylǵan. Sonymen qatar zaýyt memlekettik-jekeshelik áriptestik qaǵıdaty boıynsha áleýmettik turǵyn úıler salýǵa qatysady. Kásiporyn jańa óndiristerdi iske qosyp, kóppáterli túrǵyn úılerdi paıdalanýǵa berýdi, sonyń ishinde memlekettik baǵdarlama aıasynda jylyna 100 myń sharshy metr turǵyn úı salýdy josparlap otyr.
Zaýyt ujymymen áńgimelesý barysynda Prezıdent otandyq qurylys ındýstrııasyn damytý - mańyzdy máselelerdiń biri ekenin atap ótti.
«Cizder ekonomıkamyzdyń laıyqty sektoryna aınaldyńyzdar. Osy sala memleket tarapynan qoldaýǵa ıe bolýyna múddelimin. Álbette, biz adal seriktes retinde qoldaý bildiremiz. Taǵy da qaıtalap aıtamyn. Shaǵyn jáne orta bıznestegi ahýal búkil ekonomıkamyzdyń damýyna eleýli túrde yqpal etedi. Sondyqtan sizder meniń udaıymda nazarymda bolasyzdar», dedi Memleket basshysy.
