NAQTY ShARALAR QAJET

Qazaqstannyń medısınalyq belsendileri, atap aıtqanda, Qazaq kóz aýrýlary ǴZI-dyń dırek­tory, m.ǵ.d., professor T.K. Bota­bekov mańyzdy medıko-áleýmettik másele – glaýkoma syrqatyna qatysty máseleni keshiktirmeı sheshýge yqpal etý týraly másele kóterip otyr. Bul másele birneshe jyldan beri sheshilmeı keledi, onyń ústine densaýlyq saqtaý sa­lasyndaǵy ońtaılandyrý glaýko­maǵa qarsy qyzmettiń ózin qaterge túsirdi, osy arqyly respýblıkada áleýmettik qysym qalyptastyrdy. Qazaqstanda glaýkoma emdel­meıtin kórmeýshilik pen nashar kórý­diń sebepteriniń ishinde aldyń­ǵy oryndy ıelenedi. Dıspanserlik esepte 72 myńnan asa glaýkoma syrqattary tur. Árbir jyl saıyn 10 000 jańa aýrý jaǵdaılary tirkelýde, olardyń 45%-y kórýdiń biraz qyzmeti joıylǵan sońǵy satysynda alǵash anyqtalady, onyń ústine 10% aýrýlar 40 jastan aspaǵan jastar. Bul úrdistiń qaýiptiligi sonda, glaýkoma aýrýy eńbekke qabiletti halyqtyń edáýir bóligin qoǵamǵa paıdaly qyzmet sala­synan alyp tastaıdy, sondyq­tan da bul dertpen kúresý áleý­mettik jáne ekonomıkalyq mańyzǵa ıe. Sonymen qatar, Eýropalyq Odaq, AQSh glaýkoma máselesin tyńǵylyqty sheship qoıǵan, óıtkeni onyń erte dıagnostıkalyq (skrınıng) ádisi qoldanylady. Damyǵan elderde, emhanalyq deń­geıde (ıaǵnı AMSK de) glaýkoma skrınınginde “altyn standart” dep tanylǵan lazerlik retınotomograf HRT-3 qoldanylady. О́ndirýshi Germanııanyń  Heidelberg Engine­ering kompanııasy bolyp tabylady.  Osy kompanııanyń ókilderi qazaqstandyq oftalmologtarmen birge ǵylymı-praktıkalyq semı­nar jáne konferensııalar ótkizdi. Joǵaryda aıtylǵandardyń negizinde, osy máseleniń áleýmettik mańyzyn eskere otyryp, sondaı-aq Prezıdent N.Nazarbaev birneshe ret aıtqandaı Qazaqstannyń densaýlyq saqtaý júıesine erte dıagnostıka ádisterin engizý ózekti másele ekeni anyq. Muhtar TINIKEEV, Májilis depýtaty.