Hromtaý aýdanyndaǵy Dóń aýylynyń turǵyny Aınur Joldybaeva «Aýyl amanaty» aıasynda 2,5%-dyq mólsherlememen 6,5 mln teńge qaryz aldy. Bul qarajatqa naýbaıhana ashqan ol qazir aýyl turǵyndaryn kúndelikti jańa pisken nanmen jáne basqa da ónimdermen qamtamasyz etedi. Kásipkerdiń aıtýynsha, jobanyń arqasynda otbasynyń ortasha tabysy aıtarlyqtaı ósken.
Dóń aýylynyń taǵy bir turǵyny Asylhan Temirhanov «Aýyl amanaty» boıynsha jeńildikpen 3,5 mln teńge qaryz alǵan. Bul qarajatqa 500 taýyq satyp alyndy. Mekıen taýyqtar kúnine orta eseppen 350 jumyrtqa beredi. Olar aýyl turǵyndary arasynda joǵary suranysqa ıe.
Aqtóbe oblysynyń ákimi Eraly Toǵjanov Úkimet basshysyna óńirde «Aýyl amanaty» baǵdarlamasynyń qalaı iske asyrylyp jatqany týraly egjeı-tegjeıli aıtyp berdi.
«Joba 2022 jylǵy qarasha aıynda bastaldy. Oǵan kirispes buryn biz ár aýylǵa skrınıng júrgizip, alǵash ret barlyq 134 aýyldyq okrýgtiń áleýmettik-ekonomıkalyq damý josparyn ázirledik. Jobany qarjylandyrýǵa respýblıkalyq bıýdjetten 6,5 mlrd teńge bólindi. Bıyl qyrkúıek aıynda qosymsha 12,5 mlrd teńge bólinedi dep kútilýde», dedi óńir basshysy.
Premer-mınıstr azamattardyń ál-aýqatyn arttyrý Úkimettiń negizgi mindetteriniń biri ekenin atap ótti.
«Aýyl amanaty» jobasyn iske asyrý tájirıbesi barlyq óńirge keńinen taralýy tıis. Bıyl oǵan 100 mlrd teńge bólindi, sonyń esebinen aýylda kóptegen kásipkerlik bastamany qoldaý josparlanyp otyr. Kelesi jyly taǵy 100 mlrd teńge bólemiz. Jobanyń arqasynda aýyldyq eldi mekenderde ómir súrý deńgeıi aıtarlyqtaı jaqsarmaq. Aqtóbe oblysy – jobany iske asyrý boıynsha jetekshi óńirlerdiń biri. Osy qarqynmen bul jumysty jalǵastyrý qajet», dedi Álıhan Smaıylov.
Qazirgi ýaqytta óńir turǵyndary «Aýyl amanaty» aıasynda 6,5 mlrd teńge somaǵa 1 486 jobany qarjylandyrýǵa ótinim berdi. 1 389 joba maquldanyp, onyń 930-y 4 mlrd teńgege qarjylandyryldy. Nátıjesinde 1 122 jańa jumys orny qurylyp, 103 myńnan astam qus satyp alyndy, 48 jylyjaı salyndy, 146 ga alqapqa kartop jáne basqa da kókónister egildi, sondaı-aq aýylda 389 jańa shaǵyn bıznes nysany ashyldy (naýbaıhana, et, sút óńdeý boıynsha shaǵyn sehtar jáne t.b.).
Sonymen qatar Aqtóbe oblysynda kepilge qoıatyn múlki joq az qamtylǵan otbasylardy qoldaý úshin taýarlyq nesıe berý tetigi engizildi. Iri sharýa qojalyqtary olarǵa atalǵan sharttarmen mal basyn nesıege berýde. Mundaı nesıe 3-5 jyl ishinde kóbeıgen maldyń bir bóligimen qaıtarylady. Búgingi tańda sharýa qojalyqtarynyń qoldaýymen 329 otbasyna 4 580 bas mal berildi.
