Baǵdarlamaǵa dárigerler, medbıkeler, sanıtarlar, muǵalimder, tárbıeshiler, kútýshiler, joǵary oqý oryndary men kolledjderdiń oqytýshylary, ǵylymı-zertteý ınstıtýttarynyń ǵylymı qyzmetkerleri, mádenıet, sport qyzmetkerleri, shyǵarmashylyq odaqtardyń músheleri, jýrnalıster, qalalyq memlekettik uıymdar men Halyqqa qyzmet kórsetý ortalyqtarynyń qyzmetkerleri, energetıka salasynyń ókilderi qatysa alady.
Shymkenttiń jumys isteıtin turǵyndary jeńildetilgen sharttarmen baspana satyp alý múmkindigine ıe bolady. Olarǵa beriletin zaemnyń eń joǵary somasy 20 mln teńge. Kredıt mólsherlemesi 5%-ǵa teń bolady (JTSM 5,2%-dan), odan ári ol jylyna 3,8% deıin tómendeıdi. Alǵashqy jarna 10% teń.
«Qamqor» baǵdarlamasy boıynsha azamattardy nesıelendirýdiń birinshi transhynyń kólemi 3 mlrd teńgeni qurady. Qarajatty Shymkent qalasynyń ákimdigi bólip otyr.
Otbasy bank jańa turǵyn úı baǵdarlamasy boıynsha ótinimderdi qabyldap, upaılardy sanap, áleýetti qaryz alýshylardyń tizimin qalyptastyrady.
Bank bul prosesti «Baspana market» portalynda (https://otbasybank.kz/) sıfrlandyrady. Iаǵnı, endi baǵdarlamaǵa qatysýshylar týraly barlyq derekter avtomattandyrylǵan júıe arqyly tekseriletin bolady. Bul baǵdarlama qatysýshylarynyń pýlyn qalyptastyrýdaǵy adamı faktordy joıady ári upaı sanaý ýaqytyn aıtarlyqtaı qysqartady.
https://otbasybank.kz portalynda ótinim qaldyrý úshin «Qamqor» baǵdarlamasynyń áleýetti qatysýshylarynyń Otbasy bankinde shoty bolýy qajet nemese olar bank klıenti bolýlary shart.
Jeńildetilgen nesıelendirýge úmitkerler pýlyna kóp upaı jınaǵan azamattar enetin bolady. Upaılar sanyna nekede turǵan jyldar sany, balalardyń sany, jumys ótili, Shymkentte tirkelý uzaqtyǵy jáne Otbasy bankinde úmitkerdiń depozıti bar-joqtyǵy eskerilip, áser etetin bolady.
«Qamqor» baǵdarlamasynyń qatysýshylary https://otbasybank.kz portalyndaǵy jeke kabınetterinde jınaǵan upaı sanyn ótinimderdi qabyldaý merzimi aıaqtalǵan soń kelesi kúni kóre alady.
Qatysýshylar pýlyna eń kóp upaı jınaǵan 150 adam kiredi.
Tizimdi jergilikti ákimdik teksergennen keıin qatysýshylar Otbasy bankine nesıe alýǵa joldama alady. Olardyń tólem qabilettiligi tekserilip, zaem beriledi. Bul qarajatqa alǵashqy nemese ekinshi naryqtan, sondaı-aq «QTK» kepildigimen salynyp jatqan turǵyn úıden baspana satyp alýǵa bolady.
«Qamqor» baǵdarlamasyna qatysýshylarǵa qoıylatyn talaptar:
- Qatysýshynyń jasy ótinim bergen kezdegi kezeńdi qosa alǵanda 63 jastan aspaýy kerek.
- Úmitkerdiń jáne onyń otbasy músheleriniń sońǵy 5 jylda QR aýmaǵynda menshik quqyǵyndaǵy turǵyn úıi bolmaýy qajet.
- Sońǵy 3 jylda Shymkent qalasynda turaqty tirkeýde turýy talap etiledi.
- Shymkent qalasynda tańdaǵan sala boıynsha sońǵy 12 aıdan kem emes resmı jumys ótili bolýy tıis.
- Baǵdarlamaǵa erli-zaıyptylardyń bireýi ǵana qatysa alady.
