«Amer International Group» negizin qalaýshy jáne basqarma tóraǵasy Van Venınmen kezdesý barysynda vıse-premer eki el arasyndaǵy bıznes tyǵyz dostyq seriktestikte damýǵa tıis ekenin atap ótti.
«Kompanııanyń metall óńdeýmen aınalysatynyn, shıkizatty óńdeýdiń jetkilikti tereń úderisin engizgenin bilemiz jáne bizge Qazaqstanda metall óńdeý óndirisin uıymdastyrýǵa kómektesýdi usynamyz. Qazaqstan osy salaǵa ınvestısııa salýǵa múddeli. Ulttyq zańnamaǵa sáıkes Úkimet ınvestısııalyq kelisimshart jasasý arqyly ınvestısııalyq preferensııalar beredi. Jańa ınvestısııalyq qural – ınvestorlarǵa erekshe jaǵdaı, onyń ishinde turaqtylyq usynatyn Investısııalar týraly kelisim engizildi. Sizderdi osy baǵytta bizben jumys isteýge, praktıkalyq turǵyda ekijaqty yntymaqtastyq ornatýǵa shaqyramyz», dedi S.Jumanǵarın.
Qazaqstannyń Vıse-premeri kompanııany barlaý men óndirýden bastap metaldardy óńdeýge deıingi barlyq úderisti jolǵa qoıýǵa qatysýǵa shaqyrdy.
«Jartylaı ótkizgishter óndirisindegi bilimmen bólisip, mamandarymyzǵa metaldardy óńdeý tehnologııalaryn úıretseńizder», dedi Vıse-premer.
О́z kezeginde V.Venın qazaqstandyq taraptyń usynystaryn jaqsy qabyldady.
«Búgin 200 qytaılyq kompanııanyń ishinde biz birinshi 20-ǵa, al jekemenshik 100 kompanııanyń ishinde úzdik bestikke kiremiz. «Global Fortune» 500 álemdik reıtınginde qazirgi ýaqytta jylyna 100 mlrd dollardan asa kirispen 124-orynda tur. О́ńdeý tehnologııalarynyń arqasynda biz shıkizattyń qunyn aldymen 10 ese, sodan keıin 100 ese, al keıbir taýar boıynsha onyń shıkizatynyń bastapqy qunynan 1 000 ese arttyramyz. Eger bizge óndirýden qaıta óńdeýge deıingi jobalarǵa qatysýdy usynsańyz jáne Qazaqstanda ınvestısııalyq jobalardy júzege asyrý kezinde jeńildikter bolsa, onda biz osyndaı sharttarmen qatysýǵa múddelimiz», dedi V.Venın.
Kadrlardy daıarlaýǵa qatysty «Amer International Group» negizin qalaýshy onyń kompanııasy ınvestorlarmen osy baǵytta yntymaqtasatynyn atap ótti.
Sondaı-aq V.Venın aýyl sharýashylyǵy salasyndaǵy yntymaqtastyqqa qyzyǵýshylyq bildirdi. Taraptar qazaqstandyq delegasııa oralǵannan keıin Indýstrııa jáne ınfraqurylymdyq damý mınıstrligi yntymaqtastyq úshin usynystar pýlyn daıyndap, qytaılyq tarapqa qaraýǵa jiberetinine kelisti.
Sonymen qatar S.Jumanǵarın «Huawei» kompanııasynyń keńsesinde boldy. Kompanııa keńsesiniń kórme zalynda qazaqstandyq delegasııa joǵary aǵynnan tómenge deıin, kómir óndirýde, taý-ken ónerkásibinde, port ınfraqurylymynda jáne basqa da salalarda, mıllıon halqy bar qalalardyń kólik jáne ınfraqurylymyn basqarýda, munaı ónerkásibiniń tolyq óndiristik sıkli úderisine sıfrlyq sheshimder men AI engizý nátıjelerin usyndy.
Mysaly, «Smart City Intelligent Operation Center» qala turǵynynyń Úkimettiń ýákiletti organyna ótinishin 30 mınýt ishinde qurýǵa múmkindik beredi, al ótinimdi oryndaý 24 saǵatqa deıin sozylady. «Smart Port» Tıanszın portyndaǵy konteınerlerdi tıeý kezindegi aýyr jumysty qashyqtan basqarý jáne baqylaýǵa aýystyrdy. Kómir shahtalarynda 5G+AI tehnologııasyna negizdelgen «Coal Sheater Remote Control» arqyly jumys úderisi tolyǵymen jer betinen basqarylady.
S.Jumanǵarın «Huawei Technologies Co. Ltd.» atqarýshy vıse-prezıdenti, syrtqy kommýnıkasııalar departamentiniń prezıdenti Van Szıanfenmen kezdesý barysynda sıfrlandyrýdyń sońǵy trendteri men qazaqstandyq sıfrlyq ekojúıeni damytý úshin yntymaqtastyq múmkindikterin talqylady.
«Álemde tanymal kompanııalar kóp emes. Bir kezderi men «Nokia» kompanııasynda boldym, al qazir «Huawei-de» júrmin. «Huawei» keıingi jyldary jasaǵan úlken umtylys – Qytaıdyń ózi jasaǵan úlken serpilistiń kórinisi. Biz kompanııanyń sıfrlyq tehnologııalardy engizýdegi tájirıbesimen bólisýine óte múddelimiz, sıfrlyq ekojúıemizdi damytý úshin yntymaqtastyqtyń úlken áleýetin kórip otyrmyz. Bıyl «Huawei Technologies» jáne QTJ ulttyq kompanııasy jańa tehnologııalardy paıdalana otyryp, Qazaqstandaǵy temirjol jelisin sıfrlandyrýǵa qatysty kelisimge qol qoıdy. Bul yntymaqtastyq Qazaqstannyń saýda-kólik baılanysyn damytýǵa oń áser etetinine, Qazaqstannyń Ortalyq Azııanyń sıfrlyq habyna aınalýyna negiz bolatynyna senimdimin», dep atap ótti Vıse-premer.
О́z tarapynan V.Szıanfen qazaqstandyq delegasııanyń «Huawei» keńsesine kelgeni úshin rızashylyǵyn bildirdi. Kompanııa ókilderi Qazaqstannyń «Sıfrlyq Qazaqstan men Eýrazııalyq habqa aparar joly» atty sıfrlyq damýyna qatysty óz usynystaryn berdi.
