Jaqynda ulttyq biryńǵaı testileý nátıjesinde bilim grantyn jeńip alǵandardyń tizimi jarııalandy. Bireý qýansa, bireý muńaıdy. Biraq tizimnen atyn taba almaǵandarǵa áli múmkindik kóp. Solardyń biri – ákimdik tarapynan bólinetin granttar. Astana qalasy ákimdiginiń bilim grantyna elorda mektepteriniń túlekteri ǵana emes, elimizdiń basqa óńirlerindegi talapkerler de úmitker bola alady. Astana qalasy ákimdiginiń málimetinshe, grant boıynsha joǵary oqý ornyna túsýge ótinishterdiń sany artqan jaǵdaıda azamattarǵa bekitilgen memlekettik bilim berý tapsyrysyndaǵy kvotalar esepke alynady.
Ákimdik tarapynan medısına (rezıdentýra) boıynsha 96 grant, pedagogıka (bakalavrıat) – deneshynyqtyrý, shet tili, geografııa, tarıh, pedagogıka jáne psıhologııa, matematıka, ınformatıka, orys tili men ádebıeti, fızıka, hımııa, bıologııa, defektologııa boıynsha 948 grant, gýmanıtarlyq pánder (bakalavrıat, magıstratýra) – ıslamtaný, dintaný, teologııa boıynsha 40 grant bólingen. Pedagogıkalyq mamandyqtar boıynsha memlekettik bilim grantyna ulttyq biryńǵaı testileýdi tapsyrǵan jáne keminde 75 ball jınaǵan talapkerler úmitker bola alady.
Bakalavrıatqa qujattar 5 tamyzdan 15 tamyzǵa deıin, magıstratýraǵa, rezıdentýraǵa 25 tamyzǵa deıin qabyldanady. Astana qalasy ákimdiginiń grantyna úmitker talapkerler qujattardy L.N.Gýmılev atyndaǵy Eýrazııa memlekettik ýnıversıtetine (133 grant), A.Qusaıynov atyndaǵy Eýrazııalyq gýmanıtarlyq ınstıtýtyna (170 grant), «Astana» halyqaralyq ýnıversıtetine (595 grant), Á.Marǵulan atyndaǵy Pavlodar pedagogıkalyq ýnıversıtetine (50 grant), Jalpy sporttyq deneshynyqtyrý akademııasyna (10 grant), Ál-Farabı atyndaǵy Kazaq ulttyq ýnıversıtetine (8 grant), Iаsaýı atyndaǵy halyqaralyq qazaq-túrik ýnıversıtetine (12 grant), «Nur-Múbárak» Egıpet ıslam mádenı ýnıversıtetine (10 grant), Ulttyq ǵylymı kardıohırýrgııa ortalyǵyna (11 grant), «Astana» medısınalyq ýnıversıtetine (85 grant) baryp, qabyldaý komıssııalaryna tapsyra alady.
