Foto: Astana qalasy ákimdiginiń baspasóz qyzmeti
Ǵımarattardyń qasbetinen dızaın kodqa sáıkes kelmeıtin jarnamalyq belgiler men bannerler alynyp tastalady. Elorda turǵyndarynyń kózqarasynsha, qalanyń syrt kelbetin retteý óte mańyzdy, sebebi bul is-sharalar Astanany qulpyrtady ári zamanaýı etedi.
Aıta ketelik, bes aýdan ákimdiginiń qyzmetkerleri zańsyz jáne sáıkes kelmeıtin jarnamanyń dızaın kodyn túsindirý jáne alyp tastaý boıynsha kóshpeli is-sharalar ótkizedi. Kásipkerlermen tıisti áńgimeler júrgiziledi, dızaın kodqa sáıkes kelmeıtin mańdaıshalardy aýystyrý qajettiligi týraly býkletter beriledi.
Eske salaıyq, osy jyldyń qańtar aıynda Astanany damytý máseleleri jónindegi keńeste Prezıdent Qasym-Jomart Toqaev kóshe jarnamasyn ornalastyrýǵa qoıylatyn talaptardyń saqtalýyn baqylaýdy kúsheıtýdi tapsyrǵan edi.
