Shahmat, doıby, toǵyzqumalaq tárizdi aqyl-oıǵa salmaq túsiretin sózjumbaq sheshý saıysy alǵash ret ótkizilip otyrǵandyqtan, ardagerler erekshe qyzyǵýshylyq tanytty. Atalǵan is-sharany Taraz qalalyq ardagerler keńesiniń tóraǵasy Kúlásh Ábdikeshova ashty.
– Qalalyq ardagerler keńesi qarııalardyń qoǵamnan tysqary qalmaýyna nazar aýdaryp, túrli is-sharalar arqyly olardyń basyn biriktirip otyrýdy kózdep otyrady. Búgingi ótkizgeli otyrǵan is-shara sondaı ıgilikti isterdiń biri, – dedi Kúlásh Ámedııaqyzy.
Sondaı-aq ol zııatkerlik sózjumbaq saıysyna bastamashylyq tanytyp, uıymdastyra bilgen ardagerler keńesiniń belsendi múshesi Aldaberdi Maqashevqa alǵysyn bildirdi.
Is-sharanyń ashylýyna qatysqan Jambyl oblystyq ardagerler keńesiniń tóraǵasy Erkimbek Soltybaev «Belsendi uzaq ómir súrý» baǵdarlamasy aıasynda ótip otyrǵan izgilikti is-sharanyń tyńnan bastalyp otyrǵanyn aıta kelip, saıysqa qatysýshylarǵa sáttilik tiledi.
Munan soń saıys tóreshisi, qalalyq ardagerler keńesi tóraǵasynyń orynbasary Maltabar Jamanbaev qatysýshylarǵa saıys sharttaryn tanystyrdy.
Sonymen saıys nátıjesinde Satybaldy Dosymbekov, Nurjamal Pirálıeva úshinshi oryndy, Amanqul Isqaqov, Hanymkúl Besinbaı ekinshi oryndy ıelense, sózjumbaqtyń sheshýin tolyq taba bilgen ardagerimiz Tásilim Qojataev birinshi oryndy jeńip aldy. Jeńimpazdar dıplomdarmen marapattalyp, baǵaly syılyqtarǵa ıe boldy.
Saýranbek JAMALBEKOV,
Taraz qalalyq ardagerler keńesiniń
jaýapty hatshysy
