Antıkor ákimdikten min tapty

Atap aıtqanda, ekologııa­ má­­se­lesinde qala turǵyn­da­­­ry­­nyń sha­ǵymyn týdyryp júr­­­gen qala shetindegi buryn­ǵy et kom­bınatynyń aýmaǵy­nan ke­le­tin jaǵymsyz ıistiń sebep­teri sóz boldy. Ol jer­degi alko­gol qaldyqtaryn mıkro­bıo­logııa­lyq zertteýge 2019 jyly oblys bıýd­jetinen 23,5 mln teń­ge bó­lin­genimen, odan esh­qan­daı ná­tıje shyqpaǵan. Sy­baı­las jem­qorlyqqa qarsy qyz­met ákimdikke osy jerlerdi topy­raqpen kómip tastaýdy usy­nyp otyr.

Sybaılas jemqorlyqqa qar­­sy qyzmettiń synyna ushy­­raǵan taǵy bir másele – aýdan­­aralyq jolaýshylar tasymalyn sýbsı­dııa­laýǵa qatysty. Mo­nı­torıng barysynda aýdanara­lyq avtobýs reısteriniń jartysyna jýyǵy naqty keste bo­ıynsha júrmeıtini jáne jolaý­shylar tolǵannan keıin ǵana keshigip jolǵa shyǵatyny anyq­talǵan. Mysaly, Aqtóbe qalasy men Baıǵanın aýyly arasynda kún saıyn eki baǵytqa eki reıs qatynaýy kerek. Biraq shyn máninde, avtobýstardyń keı kúnderi júrmeı qalatyny óz aldyna, júrgen kúnniń ózin­de bir ǵana reıs qatynap kel­gen. Avtobýstardyń tozýy, ıaǵnı jolaý­shylar ómiri men densaý­lyǵyna qaýiptiligi óz aldyna bólek másele.

Sonymen qatar qurylys salasy da Sy­baılas jemqorlyq­qa qarsy qyzmettiń aýyr syny­na ushy­rady. Aqtóbe oblysynda saly­nyp jatqan 75 ny­san­nyń 23-i, ıaǵnı 30 paıyzy ártúrli sebep­termen toqtap nemese teje­lip tur. Sonyń biri – Shalqar qalasynda 2018 jyly qurylysy bastalyp, 2019 jyly aıaqtalýǵa tıis bolǵan mek­tep ǵımaraty. Joba­laý qate­lik­­teriniń jıyntyǵy, mer­di­ger­diń jumys­tardy adal atqar­maýy jáne tapsyrys berý­shi­niń kelispeýshiligi qurylys mer­zimderiniń 5 jyldan astam ýaqyt­qa sozylýy­na jáne jobanyń qu­ny 900 mln teńgeden 1,3 mlrd teń­gege deıin qymbattaýyna ákelip soqqan.

Osy jáne ózge de kóptegen prob­lemalar boıynsha Sybaı­las jemqorlyqqa qarsy qyz­met Aqtóbe oblysynyń ákimdigine qyzmettik tek­serý júrgizýdi jáne barlyq kináli laýazymdy adamdardy atqaratyn laýazymdarynan bosatýǵa deıin qatań tártiptik jaýapkershilikke tartý týraly máseleni qaraýdy usyndy.