Foto: gov.kz
Jańa jataqhanaǵa Almaty qalasyndaǵy joǵary oqý oryndarynyń jataqhanaǵa muqtaj bilim alýshy jastary ornalastyrylady.
Jataqhananyń ashylý saltanatyna Parlament Májilisiniń depýtaty Elnur Beısenbaev, qala ákimdiginiń ókilderi, joǵary oqý oryndarynyń basshylary, ǵalymdary men professor-oqytýshylar quramy qatysty.
«Elimizde jataqhana máselesi óte ózekti. Almaty qalasynda jataqhana tapshylyǵy joǵary. Osy másele boıynsha biz eki baǵyt boıynsha jumys istep jatyrmyz. Birinshisi jekemenshik hosteldermen jáne qonaq úılermen kelisimshartqa qol qoıyldy. Osy kelisim arqyly qosymsha 10 000-nan astam tósek-oryn tabylyp otyr. Búginde qalada jer tapshylyǵy bar. Ekinshi baǵyt - qaıta jóndeý jumysy. Iаǵnı bıznesi quldyrap ketken akademııalyq nemese jeke menshik ǵımarattarynda biz qaıta jóndeý jumystaryn júrgizip, jataqhana retinde qaıta jasaqtap jatyrmyz. Búgingi jataqhana osy ekinshi baǵyt boıynsha ashylyp otyr», dedi Saıasat Nurbek.
Ǵımaratta qaıta jóndeý jumystary osy jyldyń birinshi jartysynda bastalǵan edi. Jataqhananyń ishki sáýleti sheteldik kóshbasshy ýnıversıtetterdiń dızaıny negizinde jasalǵan. Nysan tıisti talaptarǵa tolyq sáıkes keledi. Tórt qabattan turatyn jataqhanada ashana, demalys bólmeleri, kir jýýǵa jáne keptirýge arnalǵan turmystyq bólme, ár qabatta óz as úıi men oqý zaldary qarastyrylǵan. Sondaı-aq ár seksııaǵa tońazytqysh, zamanaýı dýsh kabınalary men jańadan jıhazdar qoıylǵan. Qaýipsizdikti qamtamasyz etý úshin beınebaqylaý júıesi ornatylǵan.
