«AMANAT» partııasy fraksııasynyń keńeıtilgen otyrysynda sóz sóılegen Premer-mınıstr Álıhan Smaıylov jyl sońyna deıin stýdentter úshin salynyp jatqan birneshe jataqhana paıdalanýǵa beriletinin aıtty.
«Stýdentterdi jataqhanamen qamtamasyz etý - mańyzdy másele. 2020 jyldan bastap jyl saıyn jataqhanalarda 10 myń oryn paıdalanýǵa berilip keledi. Jataqhanalar qurylysy memlekettik sýbsıdııalaý baǵdarlamasy sheńberinde iske asyrylady. Búgingi tańda 99 jataqhana paıdalanýǵa berildi. Jyl sońyna deıin taǵy 32 jataqhana esigin aıqara ashady dep josparlanyp otyr. Erteńnen bastap halyqtyń áleýmettik osal toptarynyń, jekelegen sanatqa jatatyn, basqa qaladan kelgen stýdentterdiń jataqhanada turý shyǵyndary óteledi. Taǵy bir jaǵymdy jańalyq - jańa oqý jylynan bastap joǵary oqý oryndarynyń professor, oqytýshylar quramynyń jalaqysy 20 paıyzǵa artady», dedi Úkimet basshysy.
