Ǵımarat 600 balaǵa arnalǵan. Munda 24 oqý kabıneti, ashana, sport zal, kitaphana, zerthanalyq kabınetter bar. Qurylys kompanııasy bilim kúnine úlgerýge kesteden oza jumys istegen. 1 qyrkúıekte mektep-gımnazııa tabaldyryǵyn birinshi synypqa barǵan 250 bala attady. Merekege oraı shahardyń bas ustazy barsha muǵalimder men ata-analardy, oqýshylardy bilim kúnimen quttyqtap, jańa oqý jylynda tabys tiledi.
– №65 mektep-gımnazııa ujymy – qaladaǵy eń ozyq bilim ordalarynyń biri. Bıyl jańa oqý korpýsy paıdalanýǵa berilip otyr. Jalpy, osy jyly megapolıstiń mektep túlekteri joǵary nátıjelerge qol jetkizdi. Máselen, UBT qorytyndysy boıynsha olardyń 85 paıyzy memlekettik granttardy jeńip aldy. Qalamyzda jyl saıyn jańa mektepter salynyp jatyr. Bilim sapasy artyp keledi, ınfraqurylymy jaqsarý ústinde. Oqýshylardyń qaýipsizdigine de basa mán berilip otyr. Sondyqtan balalardan talap etiletini – tek qana bilim alý, – dedi J.Tájıeva.
Jalpy, Shymkentte 27 myńnan astam oqýshy 1-synypqa bardy. Qalalyq bilim basqarmasynyń málimetinshe, 1-synypta oqıtyn oqýshylar sany jyl saıyn artyp keledi. Máselen, 2021-2022 oqý jylynda 1-synypqa qabyldanǵan oqýshylar – 25 005 bolsa, 2022-2023 jyly – 26 781, al bıylǵy oqý jylynda 26 969 oqýshyny quraǵan. Iаǵnı mektepke jańadan barǵan oqýshylar jyl sanap artyp keledi degen sóz. Sonymen birge megapolıste orta bilim beretin 246 mektepte 232 788 oqýshy bilim alyp jatyr. Mektepterde 20 184 pegagog jumys isteıdi.
ShYMKENT
