Keshen 1 600 bas saýyn sıyrǵa laıyqtalyp salynyp jatyr. Bul joba aýdandaǵy buryn-sońdy qolǵa alynǵan eń iri joba ekendigin súıinshilep atap aıta ketýimiz kerek. Astanany azyq-túlikpen qamtamasyz etý beldeýindegi taýarly-sút fermasy óz jumysyn bastaǵan kezde qala turǵyndarynyń aq dastarqanyn sút ónimderiniń áldeneshe túrimen baıytyp, naryqtaǵy ónim baǵasyn birshama turaqtandyrýǵa oń áser etýi ábden múmkin.
– Sút ónimderin óńdeıtin keshen salý ıdeıasy osydan eki jyl buryn týyndap edi, – deıdi «Mánshúk-AE» jaýapkershiligi shekteýli seriktestiginiń basshysy Tımýr Pishenov. – Biz energııa qýatyn únemdeıtin, ekonomıkalyq jaǵynan tıimdi jańa tehnologııalyq qurylǵylardy paıdalanbaqpyz. Bul is aldymen ferma jumysshylaryna jaıly bolady. Osyndaı únemdeýdiń arqasynda taýarly-sút fermasy ónimderiniń ózindik quny tómendeıdi. Táýligine 45-48 tonna sút óńdeýge múmkindik bar.
Búgingi kúni ferma qurylysy aldyn ala mejelengen jospar boıynsha júrgizilip otyr. 2 sıyr, 5 buzaý qorasy, saýyn bloktary, mal azyǵyn daıyndaıtyn seh, ákimshilik-turmystyq keshen salyndy. Keshen óz jumysyn bastaǵan kezde Astana qalasymen birge ózge de eldi mekenderdi sapaly sút ónimderimen qamtamasyz etetin bolady. Onyń ústine jańa jumys oryndary da ashylyp otyr. Qazir munda 35 adam jumys isteıdi. Aldaǵy ýaqytta seriktestik basshylary ózderine qajetti mamandardy oqytyp almaq. Mal mamandaryn da oqytyp, daıyndaý kózdelip otyr. Seriktestik basshylary bolashaq mamandar úshin alty turǵyn úı saldy. Aldaǵy ýaqytta taǵy da tórt páter salmaqshy. Taýarly sút fermasy taıaý arada iske qosylady.
Aqmola oblysy,
Selınograd aýdany
