Foto: Úkimettiń resmı saıty
Úkimet basshysy búginde Qazaqstan men Qytaı arasyndaǵy jalpy taýar aınalymy kóleminiń 6%-dan astamy Shandýnǵa tıesili ekenin atap ótti. Sonymen qatar Qazaqstan óz ónimderin Qytaı naryǵyna odan ári ilgeriletýge jáne ózara is-qımyldyń jańa baǵyttaryn qarastyrýǵa múddeli. Osyny eskere otyryp, «Bir beldeý, bir jol» bastamasy sheńberinde kólik áleýetin damytý jáne ózara is-qımyldy tereńdetý erekshe ózektilikke ıe.
«Buǵan bir kún buryn Almatyda ótken qazaqstandyq arpany QHR-ǵa jetkizý úshin «Qytaı–Eýropa» baǵyty boıynsha alǵashqy keri baǵyttaǵy poıyzdyń iske qosylýy yqpal etedi. Biz osy baǵyt arqyly qazaqstandyq ónimderdi jetkizýdi arttyrýǵa jáne jetkiziletin taýarlar men qyzmet túrlerin keńeıtýge daıynbyz», dedi Álıhan Smaıylov.
Sondaı-aq Premer-mınıstr Astanada Shandýn provınsııasymen yntymaqtastyq jónindegi Qazaqstan-Qytaı forýmyn ótkizýdiń mańyzdylyǵyn atap ótti.
«Bul is-shara bizdiń isker toptarymyz arasyndaǵy ónimdi saýda-ınvestısııalyq ózara qarym-qatynastardy keńeıtýge múmkindik beretini sózsiz», dedi ol.
О́z kezeginde Lın Ý Shandýn provınsııasy men Qazaqstan óńirleri arasynda ónimdi yntymaqtastyq ornaǵanyn atap ótti. Bul rette aýyl sharýashylyǵy ónimderin tereń óńdeý, saýda jáne logıstıkalyq ınfraqurylym qurylysy salalaryndaǵy ózara is-qımyldy keńeıtý boıynsha úlken áleýet bar.
«Bul joly bizben birge Shandýn provınsııasynan atalǵan salalardaǵy 100-den astam kásiporynnyń ókilderi keldi. Biz birqatar birlesken saýda-ekonomıkalyq jobalarǵa qol qoıamyz dep otyrmyz. Ortaq kúsh-jigerdiń arqasynda bolashaqtaǵy yntymaqtastyǵymyz keńeıetinine senimdimiz. Biz kásiporyndarymyz arasyndaǵy seriktestikti tereńdetip, birlesken jobalardy kóbirek júzege asyrýǵa daıynbyz», dedi Lın Ý.
Aıta ketsek, Shandýn provınsııasy - Qytaıdyń shyǵys jaǵalaýynda ornalasqan aýylsharýashylyq óndirisi boıynsha mańyzdy aımaq. Munda bıdaı, maqta, jerjańǵaq, temeki, dándi daqyldar jáne t.b. ósiriledi. Shandýn – eldiń negizgi baý-baqsha jáne egistik aımaqtarynyń biri, sý ónimderi men tut pillesin ósirýdiń jetekshi ortalyqtary.
2022 jylǵy jeltoqsanda «QTJ» UK» AQ men QHR-dyń iri port operatory «Shandýn port toby» Yntymaqtastyq týraly memorandýmǵa qol qoıdy. Onyń sheńberinde mýltımodaldy konteınerlik qyzmetter men ilespe sıfrlyq ónimderdi damytý jóninde ýaǵdalastyqqa qol jetkizildi.
