Osyǵan deıingi Joldaýlarda da jıi kóterilgen Memleket basshysynyń tapsyrmasyn oryndaý maqsatynda «Inter Press BK» JShS shyraıly shaharǵa zamanaýı jataqhana salyp berdi. Qarqyndy eńbektiń nátıjesinde atalǵan nysan qurylysyn 10 aıdyń ishinde aıaqtap úlgerdi.
Jýyrda stýdentterge arnalǵan qonaq úı tıptegi osy jataqhananyń ashylý saltanaty ótti. Ashylý saltanatynda sóz sóılegen mártebeli qonaqtar jańa jataqhananyń zaman talabyna saı ekendigine erekshe toqtalyp, rızashylyqtaryn bildirdi.
Memleket-jekemenshik seriktestik aıasynda salynǵan ǵımarat 7 qabattan turady. Stýdentter úıinde 2, 3 jáne 4 adamdyq 160 jatyn bólmesi qarastyrylǵan. Jalpy syıymdylyǵy 500 adamdy quraıdy. Sonymen qatar ár bólme sanıtarlyq torappen, ıaǵnı dýsh, dárethanamen qamtylǵan. Jataqhananyń ishi tolyǵymen qajetti jıhazdarmen jabdyqtalǵan. Sondaı-aq 14 bólmeniń ishinde kir jýatyn mashınalar qoıylǵan. Bul – stýdentterge yńǵaıly bolý úshin jasalyp otyrǵan qadam. Buǵan qosa taǵy 14 as daıyndaıtyn bólme, 2 trenajer zaly, demalys jáne oqý bólmeleri bar. Jataqhanada lıft jumys isteıdi. Qoǵamdyq qaýipsizdikti qamtamasyz etý maqsatynda ǵımarat ishinde beınebaqylaý júrgiziledi.
Bul joba belgili kásipker, mesenat Batyrbek Kósherbaıdyń bastamasymen iske asyp otyr. Keleshekte ǵımarat stýdenttik jataqhanalardyń jarqyn úlgisine aınalary sózsiz. Zamanaýı standarttarǵa saı ǵımaratta Shymkenttegi irgeli oqý orny – О́.Jánibekov atyndaǵy OQMPÝ stýdentteri turatyn bolady.
ShYMKENT
