Mekteptiń burynǵy ǵımaraty 1970 jyly salynǵan eken. Endi shaǵyn aýyldyń balalary sý jańa bilim ordasynda oqıdy. Oqý ǵımaraty zamanaýı tehnıkalarmen jabdyqtalǵan. Munda 14 oqý kabıneti, «Baldáýren» shaǵyn ortalyǵy, ul-qyzdarǵa arnalǵan sheberhanalar, jýynatyn bólek oryndar, tehnologııa jáne fızıka-matematıka, bıologııa-hımııa kabınetteri bar. Sondaı-aq zerthanalyq aýdıtorııalar da jasaqtalǵan. Bıyl Jalyn mektebiniń 1-synybyna 9 oqýshy qabyldandy. Al daıarlyq synybynda 5, shaǵyn ortalyqta 15 bala tárbıelenip jatyr. 2023-2024 oqý jylynda jańa mektepte 47 oqýshy bilim alsa, olarǵa 21 muǵalim qyzmet etedi.
Batys Qazaqstan oblysynyń bir ereksheligi – shaǵyn eldi mekender sany óte kóp. Mysaly, oblys aýmaǵynda eki qaladan bólek, 416 aýyl bar. Bular – kezindegi keńshar ortalyqtary men olardyń bólimsheleri. Osy aýyldardyń 371-inde mektep bar. Onyń 217-si – shaǵyn jınaqty mektep. Bul – óńirdegi barlyq mekteptiń 58,4 paıyzy. Shaǵyn jınaqty mektepte bala sany az bolatyny túsinikti. Biraq ár balaǵa sapaly bilim berý úshin mekteptiń pedagogıkalyq ujymy tolyq ári joǵary sanatty bolýy kerek. Biraq ol kóbine múmkin emes. Al iri eldi mekenderde ınternat salyp, oqýshylardy bir jerge jınaqtaý isi bilim sapasyn arttyrýǵa yqpal etkenimen, shaǵyn aýyldardyń bolashaǵyna balta shabady. Mektep jabylǵan soń aýyl da taraıdy. О́ıtkeni aýyldy saqtap turǵan mektep ekeni túsinikti.
– Batys Qazaqstan oblysynyń geografııalyq, tarıhı, sharýashylyq damýy sekildi faktorlar sebebinen osyndaı jaǵdaıdamyz. Iаǵnı óńirdiń ekonomıkalyq damýynda aýyl sharýashylyǵy salasynyń róli basym bolǵandyǵynan shaǵyn eldi mekender kóp. Sondyqtan bolar oblysymyzda áli kúnge deıin samannan, aǵashtan salynǵan 48 mektep bar. Al oblys ortalyǵy – Oral qalasynda úsh aýysymdy mektep sany kóbeıip barady. Bul jaǵdaıdy shuǵyl sheshý úshin barynsha josparly túrde áreket etip jatyrmyz, deıdi oblys ákiminiń orynbasary Baqytjan Narymbetov.
Onyń aıtýynsha, 2023 jyldyń basynan beri oblystyń 7 aýdanynda 16 shaǵyn jınaqty mektep qurylysy bastalǵan. Mundaǵy 8 mektep – 60 oryndyq bolsa, qalǵan 8-i – 108 oryndyq. Bul mektepterdiń jobalyq-smetalyq qujattamasy byltyr ázirlengen. Bilim kúni ashylǵan Jalyn mektebi – osy mektepterdiń alǵashqysy. 15 mekteptiń qurylysyna qarjyny «Qarashyǵanaq Petroleým Opereıtıng b.v.» kompanııasy áleýmettik jaýapkershilik aıasynda bólse, Qaratóbe aýdanynyń Shalǵyn aýylyndaǵy mektepke qarajat jergilikti tótenshe jaǵdaılarǵa arnalǵan rezerv bıýdjetinen qarastyrylǵan.
– Memleket basshysynyń tapsyrmasymen «Jaıly mektep» ulttyq jobasy aıasynda 2023-2025 jyldary oblysta 18 mektep salynady. Onyń 9-y – Oral qalasynda, qalǵan 9-y aýdandarda boı kóteredi. 18 jaıly mektep eki aýysymda 32 400 balany qabyldaıdy dep kútilip otyr. Oraldaǵy 8 mektep sáıkesinshe Zachagansk pen soltústik-shyǵys baǵytta salynady. Bireýi mektep qala ortalyǵyndaǵy apatty mekteptiń ornyna boı kóteredi, – deıdi oblys ákiminiń orynbasary.
Budan bólek oblys aýmaǵynda respýblıkalyq bıýdjet qarjysyna taǵy da birneshe mektep salynyp jatyr. Onyń bireýi Qaztalov aýdany Juldyz aýylynda Bilim kúni qarsańynda paıdalanýǵa berildi. Qaztalov aýdany ortalyǵyndaǵy 600 oryndyq Alma Orazbaeva mektebi bıyl qarasha aıynda ashylmaq. Jaqyn arada Oral qalasyndaǵy №31 mekteptiń qarjylandyrý máselesi de oń sheshilmek. «2025 jyldyń sońyna deıin Batys Qazaqstan oblysynda 36 mektep boı kóteredi. Bıyl 23 mektep salynyp jatyr. Bul táýelsizdik tarıhynda bizdiń óńirdiń rekordtyq kórsetkishi, buryn bir jylda munshama mektep salynbaǵan eken», dedi B.Narymbetov.
Batys Qazaqstan oblysy
