Tatýlyq tuǵyry

«Joldaýda alǵa qoıylǵan tereń jáne jan-jaqty áleýmettik-ekonomıkalyq qaıta qurýlar berik saıası negizge jáne tolyq saıası qoldaýǵa ıe. Mundaǵy basty oı – abstraktili jetistikterge emes, azamattardyń ómirin naqty jaqsartýǵa negizdelgen jańa ekonomıkalyq modelge kezeń-kezeńmen kóshý ekenin atap kórsetti. Iаǵnı Memleket basshysy Joldaýda elimizdegi eko­nomıkalyq saıasattyń jańa modelin qa­lyp­tastyrýǵa basymdyq berdi. Sonymen bir­ge ár azamat pen onyń jeke ekonomıkalyq múd­delerine qandaı da bir dárejede áser etetin­deı aýqym­daǵy ekonomıkalyq damý min­detteri qam­tyldy. Ekonomıkanyń ózi qýat­ty etno­áleýmettik ıntegratorǵa aınalýda. Osyǵan baılanysty Joldaý Qazaqstan halqy Assambleıasynyń aldyna birqatar tereń seman­tı­kalyq ıdeologııalyq mindetter qoıady, onyń sheńberinde Memleket basshysynyń Jol­daýy, Qazaqstan halqy Assambleıasynyń, Ul­t­tyq quryltaıdyń XXXII sessııasynyń min­det­teri úshtigi «Ádiletti Qazaqstan – Adal Azamat» qaǵıdatyn iske asyrý jónindegi is-qı­myl­dardyń biryńǵaı algorıtmine biriktirilýge tıis. Assambleıanyń ıdeologııalyq jumysynda qoǵam­nyń ózin, qoǵamdyq qundylyqtar jú­ıesin jáne tutastaı alǵanda qoǵamdyq sanany reformalaý mindetteri alǵa qoıylady», dedi ol.

Keńeıtilgen respýblıkalyq otyrysqa Qazaqstan halqy Assambleıasynyń jáne onyń keńesiniń músheleri, respýblıkalyq jáne óńirlik etnomádenı birlestikterdiń basshylary, Parlament Senatynyń depýtattary jáne Parlamenttiń Palataaralyq depýtattyq tobynyń músheleri, Mádenıet jáne aqparat mınıstrligi, «Qoǵamdyq kelisim» RMM, QHA qoǵamdyq qurylymdary,  «Assambleıa jastary», Analar keńesi, Aqsaqaldar keńesi, QHA Kásipkerler qaýymdastyǵy, QHA Ǵylymı-saraptamalyq keńesi men kafedralary, QHA Jýrnalıster klýby, BAQ ókilderi qatysty. Sondaı-aq konferensııaǵa zoom-men respýblıkanyń túkpir-túkpirindegi óńirlik Qazaqstan halqy Assambleıalary jáne olardyń qurylymdary qosyldy.

Joldaý – eldegi saıası maýsymnyń bas­taýy ǵana emes, memleket damýynyń jańa baǵyt-baǵdaryn aıqyndaıtyn eleýli oqıǵa. Sondyqtan jıynda Assambleıa músheleriniń aldyna aqparattyq-túsindirý jumystary jáne etnomádenı birlestikterdiń «arazdyq tiline», feıkter men arandatýshylyqtarǵa qarsy aqparattyq jáne qoǵamdyq ustanym­daryn belgileý syndy mindetter qoıyldy. Sondaı-aq Assambleıanyń XXXII sessııasynda berilgen tapsyrmalardy oryndaý tásilderin qaıta qaraý jáne túzetý, «Bir el – bir múdde» depýtattyq birlestigimen jumystyń jańa ınstıtýsıonaldyq baǵyttaryn qurý, beıbitshilik pen birlik máseleleri boıynsha saıası partııalarmen ózara is-qımyl jáne dıalog qurý qajet ekeni tilge tıek etildi.

Osy oraıda Qazaqstan halqy Assambleıasy Keńesiniń múshesi, «Vaınah» cheshen jáne ıngýsh halyqtary mádenıetin damytý qaýymdastyǵynyń» tóraǵasy  Ahmed Mýradov jańa qoǵamdyq etıkany qalyptastyrý, azamattyq jaýapkershilik pen patrıotızm qundylyqtary máselelerine aıryqsha toq­taldy. Al Parlament Senatynyń depýtaty Nurııa Nııazova «kreatıvti ekonomı­ka elimizdiń, óńirdiń jarqyn jarnamasyna, «vızıt kartochkasyna» aınalatyn aýqym­dy is-sharalardy qura otyryp, talantty, shy­ǵarmashyl adamdardy tartatyn iri qalalar­dy damytýdyń qozǵaýshy kúshine aınalady. Osylaısha, Qazaqstan ekonomıkasynyń ınkl­ıýzıvti ósýi halyqtyń ómir súrý sapasyn jaqsartýǵa jáne eldegi qarjy naryǵynyń damýyna yqpal etýge múmkindik beredi», degen pikirin ortaǵa saldy.

Demek, jarııalanǵan bastamalar aýqymdy, keshendi ári san salaly. Sebebi olardyń qatarynda orta jáne shaǵyn kásipkerlikti qoldaý ári qorǵaý, elge ınvestısııa tartý, agroónerkásipti damytý, bárine birdeı túsinikti, ashyq, ádiletti salyq saıasatyn júrgizý jáne t.b. mańyzdy bastamalar kóp. Depýtat sózin jalǵaǵan «Qazaqstan halqy Assambleıasy kásipkerler qaýymdastyǵynyń» prezıdenti  Qaırat Aıtbaı Joldaýdaǵy tezıs­ter saıası júıeni jańǵyrtý jáne qoǵamdyq sanany ózgertýmen qatar, el azamattaryn jáne árbir kásipkerdi osy is-sharalardy oryndaýda belsene kirisýge shaqyrǵanyn eske saldy.

Keńes sońynda jıynǵa qatysýshylar Joldaýdyń mindetterin túsindirý boıynsha ádistemelik usynymdar ázirleý týraly sheshimder qabyldady. Buǵan qosa Assambleıa qyzmetiniń jáne onyń qurylymdarynyń negizgi baǵyt­taryn belgiledi. Jalpy, respýblıkalyq jobalardy iske asyrý máseleleri de qaraldy.