Medısına mamany suranysqa saı bolsa...

Sammıtti uıymdastyrýǵa birne­she jyldan beri ýnıversıtettiń strategııa­lyq seriktesi bolyp kele jatqan «Arıel ýnıversıtetiniń» de basshylyǵy múddeli bolǵan. Bul eki ýnıversıtet arasyndaǵy baılanystyń berik ekendigin uqtyrady. Mysaly, bıyl Astanada Izraıl men Qazaqstannyń densaýlyq saqtaý júıe­lerin salystyrmaly taldaý boıynsha halyqaralyq kýrs ótken. Onda bilim berý baǵdarlamalary men ǵylymı jobalardy ázirleý máseleleri talqylanyp, mamandar tájirıbe almasqan. Osy joly sammıttiń ótýine Densaýlyq saqtaý mınıstrligi qoldaý kórsetken.  Sam­mıt­ke Parlament Senatynyń depýtaty Aqmaral Álnazarova, Izraıldiń Qa­zaq­stan Respýblıkasyndaǵy já­ne Qyr­­ǵyz Respýblıkasyndaǵy el­shisi Ed­vın Natan ıabo Glýsman, «QazInnovations» ınnovasııalardy damy­­­tý jónindegi ulttyq agenttiktiń jáne Ǵylym qorynyń basshylary, medısı­na­lyq ýnıversıtetterdiń rektorlary, dekandar, ǵalymdar qatysty. Sondaı-aq Chehııa, Qytaı, Japonııa, Oń­tústik Koreıa, Lıtva, О́zbekstan, Ázirbaı­jan jáne basqa elderdiń sarapshylary, professorlary jáne «Arıel ýnıversıtetininen» qonaqtar keldi.

Sammıtte Astana medısına ýnıver­sı­tetiniń rektory Kamaljan Nadyrov medısına mamandaryn daıarlaý isindegi jańashyldyqtar týrasynda oramdy oı aıtty.

– Ýnıversıtet tek bilim alyp, kásibı mashyqtardy ıgerýmen shektele­tin oryn emes. Keıingi jyldary joǵary oqý oryndarynda zertteý, kásipker­lik, sıfrlyq ýnıversıtetter modeli boıyn­­sha damý vektory belsendi tal­qy­la­nýda. Qazir ýnıversıtetterdiń mem­­le­ket pen qoǵamdaǵy áleýmettik jáne eko­nomıkalyq máselelerdi sheshýge ba­ǵyttalǵan úshinshi mıssııasy týraly keńinen aıtylyp júr. Qa­zirgi ýnı­versıtettiń damý paradıgmasy únemi ózgerip otyrady. Ony bar­ly­­ǵy­myz bilip, kórip otyrmyz. Oqý baǵ­­dar­lamalary meılinshe ǵylymı izde­nis­terge negizdelýde. Medısına bir oryn­da turmaıdy. Buryn ólim-jitim derekteri jıi anyqtalatyn aýrýlardyń emi tabylyp jatyr. Munyń barlyǵy, árıne, ǵylymı zertteýlerdiń jetistigi dep bilemiz. Keleshekte ýnıversıtetter stýdentterdiń osy qabiletin shyńdaýǵa den qoıady dep oılaımyz. Sonymen qatar stýdentterdi keıingi kezderi paıda bolyp jatqan jańa mamandyqtarǵa er­terek daıyn­daýymyz kerek. Mundaı maman­dyqtar salada barshylyq, – dedi rektor. 

Izinshe, rektor Astana medısına ýnı­versı­tetiniń saladaǵy máselelerge qatysty usynystar ázirlep, jańa bas­tamalar qalyptastyrýǵa, ıdeıa almasyp ynty­maqtastyqty nyǵaıtý maq­satynda medı­sınadaǵy bilim, ǵylym men praktıkaǵa qatysty usynystardy talqylaý mańyz­dy ekenin eske saldy. Bul rette shetel­dik qonaqtar medısınaǵa keıingi jyldarda engizilgen ózgeristerge saı maman daıarlaý ıdeıasyn qýattady. Sosyn óndirispen baılanys ornatýdyń mańyzy týraly oı qozǵady. Sammıt baǵdar­lamasynda plenarlyq jáne pa­nel­dik pikirtalas, rektorlar forýmy, de­kandar forýmy, medısınalyq tehnologııa­lardy jahandyq naryqtarǵa shyǵarý­ǵa arnalǵan MedTech paneldik sessııasy bar. Osy sessııalarǵa qatysa­tyn mamandar farmasevtıka salasyn damytýǵa baılanysty máselelerdi de talqylaıdy. Sebebi medısınanyń bar­lyq salasynda bilimdi de bilikti mamandar eńbek etýi kerek. Bir sózben aıtqanda, sammıtke kelgen qonaqtar úsh kún medısına ǵylymy men bilim berýdegi sońǵy úrdisterdi, jetistikterdi talqylaıdy. Bilim berý isin odan ári damytý jolyn usynady.