Bul jıynǵa 60-tan astam memlekettiń úkimettik qyzmetkerleri, federasııa ókilderi men ǵalymdary, sondaı-aq qazirgi ýaqytta Dúnıejúzilik etnosport konfederasııasyna kirgen elderdegi arnaıy mekemelerden 24 ókil qatysty. Sondaı-aq, sammıtke Dúnıejúzilik etnosport konfederasııasynyń prezıdenti Najmeddın Bilál Erdoǵan men О́zbekstan Jastar saıasaty jáne sport mınıstri Adham Ikramovtyń arnaıy shaqyrtýymen Qazaqstan Respýblıkasy Týrızm jáne sport vıse-mınıstri Sársen Quranbek pen Ulttyq sport qaýymdastyǵynyń prezıdenti Islambek Saljanov ta baryp qaıtty.
Sammıt aıasynda Joǵary deńgeıdegi mınıstrler alqasy, etnosport festıvali jáne Dúnıejúzilik etnosport konfederasııasy músheleriniń VI kezdesýi sııaqty mańyzdy is-sharalar uıymdastyryldy.
Talqylaýlar ótken keleli jıyndarda ulttyq sport túrlerin damytý jáne onyń aýqymyn keńeıtý máseleleri qozǵalyp, naqty usynystar aıtyldy.
Jıynda arnaıy sóz alǵan Ulttyq sport qaýymdastyǵynyń prezıdenti Islambek Saljanov sammıtke qatysýshylardy kelesi jyly elimizde ótetin V Dúnıejúzilik Kóshpeliler oıyndaryna shaqyryp, birqatar máseleleni kóterdi.
«Álemdik tájirıbege súıenetin bolsaq, qandaı da bir sport túrin joǵary deńgeıge kóterý úshin eń aldymen ony reglamenttep, erejesin jasap jetildirý qajet. Onsyz eshqandaı sport tıisti deńgeıde damymaıdy.
Sol sekildi túrkitildes elder jınalyp ulttyq sport túrlerine ortaq ereje bekitip, normatıvtik bazasyn qalyptastyrý arqyly bolashaqta ulttyq sporttyń bir túrin Olımpıada oıyndarynyń baǵdarlamasyna kirgizsek barshamyzdyń ortaq jeńisimiz bolar edi.
Sondyqtan Búkilálemdik etnosport konfederasııasyna múshe barlyq memleketter judyryqtaı jumyla alǵa qoıǵan ortaq maqsattarymyzǵa jetemiz degen úmittemin», deıdi. Ulttyq sport qaýymdastyǵynyń prezıdenti Islambek Saljanov.
Aıta keteıik, búginde Dúnıejúzilik etnosport konfederasııasyna 16 memleket múshe. Olar: Qazaqstan, Qyrǵyzstan, Túrkııa, Ázerbaıjan, Mońǵolııa, Majarstan, Grýzııa, Reseı, Argentına, Japonııa, Meksıka, Polsha, Qatar, Rýmynııa, Týnıs, Lıtva.
