Foto: polisia.kz
«Qostanaı oblysynda polısııa qyzmetkerleri oblystyń birneshe óńirinde esirtki satýshylardy ustaý boıynsha arnaıy operasııa júrgizdi. Uıymdasqan qylmysqa qarsy kúres basqarmasynyń qyzmetkerleri jedel-izdestirý is-sharalary barysynda 6 kúdiktini ustady. Onyń beseýi ýaqytsha ustaý ızolıatoryna qamaldy. Operasııa bir mezgilde Rýdnyı, Lısakov qalalarynda jáne Qostanaı aýdanynda ótti. Polısııa qyzmetkerleri sanksııalanǵan tintý júrgizý barysynda zańsyz aınalymnan ósimdik tektes esirtki zattary, aqsha qarajaty, onyń ishinde shetel valıýtasy, temeki shegetin tútikter tárkilendi», dep jazylǵan habarlamada.
Osy derek boıynsha polısııa QR QK-niń 297-babynyń 3-bóliminde kózdelgen (Esirtki zattaryn, olardyń analogtaryn ótkizý maqsatynda zańsyz daıyndaý, óńdeý jáne saqtaý, tasymaldaý) sotqa deıingi tergep-tekserýdi bastady. Baptyń sanksııasy múlki tárkilenip, on jyldan on bes jylǵa deıingi merzimge bas bostandyǵynan aıyrýdy kózdeıdi. Tergeý barysynda kúdiktilerdiń oblystyń qalalary men aýdandarynyń aýmaǵynda esirtki satqany, olardyń jumysy úılestirilgeni anyqtaldy. Qazir saraptamalar taǵaıyndalyp, qajetti tergeý áreketteri júrip jatyr.
