Tazalyq mádenıeti

О́tken aptada elde fýtboldan «Eýro-2024» irikteýi aıasynda eki kezdesý ótti. Onda Qazaqstan quramasy Fınlıandııadan mınımaldy eseppen jeńilgen-di. Al jasyl alańdaǵy taǵy bir kezdesýde ulttyq qurama 1:0 esebimen Soltústik Irlandııa komandasyn utty. Osy tarıhı jeńisten keıin otandyq jankúıerler men bir top erikti ózderiniń mádenıet­tili­­gin kórsetip, oıyn ótken sta­dıon­dy qoqystan tazartyp ketti. Otandyq jankúıerlerdiń bul áreketine áleýmettik jelidegi kóp­­shilik tańdana qarady. О́ıt­keni bul is fýtbolsúıer qaýym­nyń bel­sendiligi ǵana emes, sa­na­ly­­ly­ǵy men aýyzbirshiligin kórsetti.

«Matchtan keıin stadıondy qo­qystan tazartý – qala jas­ta­­rynyń, «Astana jastary» jas­­tar resýrstyq ortalyǵy vo­lon­­terleriniń jáne qalalyq vo­lon­­terler shtabynyń basta­ma­sy. Muny Prezıdenttiń ózi qol­daǵany qýantady. Osy is-shara­ǵa 500-ge jýyq erikti qatysty. Bul bir rettik qana emes, jyl boıyna jasalyp kele jatqan jumystar. Árıne, bul – eń aldymen tazalyqtyń kepili. Sodan keıin qoǵam arasynda tazalyqty saqtaý mádenıetin dáripteý bolyp sanalady. Ásirese tazalyq saqtaýdy jastardyń boıyna daǵdy retinde qalyptastyrýǵa úgitteıdi», dedi volonter Aızat Ábıbollaqyzy.

Qorshaǵan ortaǵa jaýapker­shilik álem ha­lyq­ta­rynyń ishin­de japon­dyq­tar­­dyń boıyna jaq­sy sińgen. Olar ­qaı matchqa qatys­pasyn, sporttyq is-shara aıaq­­tal­­ǵan soń qaltalarynan qo­­qys paket­terin shyǵaryp, jan-­ja­ǵyn jınap ketedi. Bul olar­­dyń za­ńynda jazylmasa da, dilin­­de myq­tap saqtalǵan. Bizdegi erik­ti­lerdiń jetkizgisi kelgeni de osy.

Aıta keteıik, jalpy «Astana jas­tary» jastar resýrstyq orta­ly­ǵy bıyl senbilikter, aǵash otyr­ǵyzý, ózenderdegi qoqysty jı­naý, qys mezgilinde aýlalardy qar­dan tazartý syndy 50-den astam is-shara ótkizgen. Jyl so­ńyna deıin ekobaǵyt boıynsha taǵy 15-in uıymdastyrýdy kóz­dep otyr.