Astana qalasynyń halyqaralyq áýejaıynan oıynshylar men bapkerlerdi týystary, dostary, BAQ ókilderi, Sportty damytý dıreksııasy men Astana qalasy Sport jáne dene shynyqtyrý basqarmasynyń qyzmetkerleri zor yqylaspen kútip aldy.
«Ulttyq quramany jastardan jasaqtap aparǵanymyz bizdiń basymdyǵymyz boldy deı alamyz. О́ıtkeni jas sportshylarymyz jyldam shahmat oınaýǵa beıim. Ereje boıynsha ár júriske 10 sekýndtan beriledi. Bul, ásirese, Fransııa quramasymen bolǵan oıynda qatty kómektesti. Iá, komandadaǵy barlyq oıynshy – jasóspirimder, jastar arasyndaǵy álem chempıony. Alaıda eshqaısysy eresekter arasyndaǵy mundaı iri synda eshqashan kózge túspegen. Sondyqtan mamandardyń kóbi Polshadaǵy chempıonattyń «tosyn syıy» dep bizdiń shahmatshylardy aıtty. Sonyń ishinde Alýa Nurmanova erekshe kózge tústi.
Alda taǵy da mańyzdy básekeler bar. Azııa oıyndarynda komanda sapyn tájirıbeli Jansaıa Ábdimálik pen Dınara Sadýaqasova tolyqtyrady. Negizgi qarsylasymyz Qytaı men Úndistannyń da daıyndyǵy joǵary deńgeıde ekeni belgili», dedi Pavel Kosýr BAQ ókilderine bergen suhbatynda.
Sportty damytý dıreksııasy baspasóz qyzmetiniń málimetinshe, ulttyq qurama kóshbasshysy Bıbisara Asaýbaeva Polshadaǵy dodadan keıin birden Germanııaǵa kezekti jarysqa qatysý úshin ushyp ketken. Blıs shahmattan eki dúrkin álem chempıony Qytaıdyń Hanchjoý qalasynda ótetin HIH jazǵy Azııa oıyndaryna aldaǵy aptada sol memleketten attanady.
Aıta keteıik, bıyl Qazaqstan áıelder arasyndaǵy komandalyq álem chempıonatynda alǵash ret júldege ıe boldy. Polshadaǵy saıystyń barlyq júldegeri (Grýzııa, Qazaqstan, Fransııa) A tobynda óner kórsetkenin aıta ketken jón. Osy ýaqytqa deıin áıelderdiń dúnıejúzi dodasynda jeti memlekettiń oıynshylary tuǵyr satysyna kóterilgen.
