Forýmdy Mádenıet jáne aqparat mınıstrligi jáne Ishki ister mınıstrligi uıymdastyrdy. Otyrysta qoldanystaǵy zańnama sheńberinde EAEO elderinde medıasııany qoldaný, medıasııa kelisimderin kýálandyrý jáne olardy oryndaý boıynsha halyqaralyq tájirıbe, online-medıasııany transshekaralyq daýlardy sheshýdiń zamanaýı tásili retinde qoldanýdyń tájirıbelik tustary syndy taqyryptar qaýzaldy.
Sondaı-aq basqosýda medıasııa kelisimin jasasý barysynda jeke málimettermen jumys isteý týraly da aıtyldy. О́ıtkeni qazir bul aspekt medıasııa kelisimin buzý úshin eń basty sebep bolyp tur. Otyrysta qazaqstandyq delegasııa atynan «Halyqaralyq kelissózder akademııasy» qaýymdastyǵynyń tóraǵasy Sabyrjan Qalmuhambetov sóz aldy.
– Mádenıet jáne aqparat mınıstrliginiń tapsyrysy boıynsha «Azamattyq bastamalardy qoldaý ortalyǵy» KEAQ qoldaýymen respýblıkalyq grant sheńberinde elimizdiń 9 oblysynda jalpy sany 32 aımaqtyq konferensııa jáne Nıderlandy eliniń jetekshi medıatorlarynyń qatysýymen halyqaralyq dóńgelek ústel ótkizdik. Sonymen qatar «Medıasııa týraly» zańdy túsindirý jumystary júrgizilýde, medıasııany qoldanýdaǵy negizgi máselelerdi anyqtaý jáne tájirıbe almasý jumystaryn uıymdastyramyz, – dedi uıym tóraǵasy.
Alqaly otyrysta kásibı medıator, «Halyqaralyq kelissózder akademııasy» qaýymdastyǵynyń sarapshysy Arslan Qarhanov «Qazaqstan Respýblıkasynda medıasııany damytý perspektıvalary, medıasııany ınstıtýttandyrý, Qazaqstan Respýblıkasy medıatorlarynyń biryńǵaı tizilimi» taqyryby boıynsha baıandama jasady. Ol elimizdegi medıatorlar qyzmetiniń mańyzdy aspektilerin tizbektedi.
– Jumys prosesterin qurý kezinde biz kásibı medıatorlardyń ozyq tájirıbesine súıengimiz keledi. Ártúrli elderdiń tájirıbeli sarapshylarymen tanysý, tájirıbe jáne bilim almasý, sondaı-aq basqa elderdegi medıatorlar qyzmetiniń erekshelikterimen jáne olardyń medıasııa salasyndaǵy zańnamasynyń aspektilerimen tanysý – munyń bári bolashaqta biz úshin paıdaly aqparat. Mádenıet jáne aqparat mınıstrligine ártúrli elderdiń medıatorlarymen tanysýǵa jáne elimizdegi medıasııa ınstıtýtynyń damýy týraly aıtyp berýge múmkindik bergeni úshin alǵysymdy bildiremin, – dedi sarapshy.
Forým barysynda Qazaqstan men Reseıden kelgen sarapshy-praktıkter, sonymen qatar Túrkııa, Kıpr, Perý, Lıvan, Brazılııa, Kenııa jáne Úndistannan shaqyrylǵan halyqaralyq sarapshylar medıasııany damytýdyń ózekti máselelerin, onyń quqyq qorǵaý uıymdarynyń jáne memlekettik organdardyń, bıznestiń qyzmetine odan ári ıntegrasııalanýyna yqpal etetin usynystardy ortaǵa saldy. Osylaısha jahannyń bilikti mamandarynyń basyn qosqan is-shara ártúrli tásilder men ádistemelerdi qoldanatyn medıatorlardyń pikir almasý alańyna aınaldy.
– Qazaqstan medıasııa ınstıtýtyn damytý boıynsha basqa memleketterden ozyp ketti. Ásirese, aýyrlyǵy shaǵyn jáne ortasha qylmystyq isterdi sheshý barysynda medıasııany qoldanýǵa qatysty. Barlyq elder olardyń tájirıbelerin qabyldap, olardan úırenýi kerek, óıtkeni áriptesterimiz Qazaqstanda medıasııa ınstıtýtyn belsendi túrde damytyp jatyr, – dedi halyqaralyq zańger jáne halyqaralyq deńgeıdegi bilikti medıator Krıstına Arzýmanova.
Jıyn sońynda Qazaqstan men Reseı arasynda tájirıbe almasý jáne dıalog alańdarynda kezdesý dástúrge aınalatyny aıtyldy.
