Foto: Oqý-aǵartý mınıstrliginiń baspasóz qyzmeti
«EJOI halyqaralyq IOI ınformatıka olımpıadasynyń erejeleri men standarttaryn ustanady. Bul mańyzdy oqıǵa, Eýropa Keńesiniń múshe memleketterinde IT-ındýstrııa elıtasynyń damý satysy. Onyń qorytyndysy boıynsha Qazaqstan qurama komandasy tórt medal jeńip aldy. Altyn medal Mamadahýnov Mansurǵa buıyrdy. Ol Qyzylorda qalasyndaǵy S. Shaýhamanov atyndaǵy №9 daryndy balalarǵa arnalǵan «Bilim-Innovasııa» oblystyq lıseı-ınternatynyń 9-synyp oqýshysy. Kúmis medaldi eki oqýshy ıelendi. Onyń biri Serikbaı Suńǵat - Taraz qalasyndaǵy «Bilim-Innovasııa» daryndy jasóspirimderge arnalǵan mamandandyrylǵan lıseı-ınternatynyń 10-synyp oqýshysy, endi biri Amenov Álem Semeı qalasyndaǵy «Bilim-Innovasııa» daryndy uldarǵa arnalǵan mamandandyrylǵan lıseı-ınternatynyń 9-synyp oqýshysy. Al Almaty qalasyndaǵy Respýblıkalyq fızıka-matematıka mektebiniń 10-synyp oqýshysy Aldamjarov Álisher qola júldeger atandy», delingen aqparatta.
Qazaqstan quramasyna Astana IT ýnıversıtetiniń oqytýshysy Temirlan Satylǵanov pen halyqaralyq olımpıadalardyń jeńimpazy Aıdos Nurmash jetekshilik etti.
