Foto: ashyq derekkóz
Aral – Syrdarııa basseınindegi sýdyń azaıýy, Kóksaraı sý rettegishiniń tehnıkalyq jaǵdaıynyń tómendigi Qyzylorda oblysyndaǵy turǵyndardyń tirshilik nárine degen zárýlikti týyndatyp otyr. Senator aımaqta sýdyń tapshylyǵy kúsh almaý úshin mańyzdy sharalar qabyldaý qajettigin aıtty.
«Qyzylorda oblysynda sý tapshylyǵy boıynsha qalyptasqan kúrdeli jaǵdaıdy sheshý maqsatynda qysqy-kóktemgi kezeńde tasqyn sýlardy jınaqtaý asa mańyzdy. Ol úshin «Qaraózek» sý arnasynda 3 sý tospasyn qalpyna keltirgen jaǵdaıda 1 mlrd m3 deıin tasqyn sýlardy jınaqtaýǵa bolady. Sý resýrstary komıteti Qarjy mınıstrligine Qaraózek arnasynda salynatyn sý qoımasynyń jobalyq-smetalyq qujatyn ázirlep, memlekettik saraptama qorytyndysyn alýdy usyndy. Atalǵan máseleniń oń sheshimi tabylǵan jaǵdaıda Qazaly aýdanynda 31 myń ga sýarmaly, 120 myń ga shabyndyq jáne jaıylymdyq jerdi sýarmaly sýmen turaqty qamtamasyz etý, vegetasııalyq kezeńde Aral teńizine sý jiberý múmkindigi artady», dedi depýtat.
