Qoǵam • 14 Qyrkúıek, 2023

100 mıllıon teńgeniń elektr kabelin urlaǵan qylmystyq top ustaldy

380 ret

kórsetildi

1 mın

oqý úshin

Atyraý oblysynda baǵanalardy qulatyp, joǵary kerneýli elektr kabelin qoldy qylǵan qylmystyq top ustaldy, dep habarlaıdy Egemen.kz oblystyq Polısııa departamentiniń baspasóz qymetine silteme jasap.

Qýanysh NURDANBEKULY

100 mıllıon teńgeniń elektr kabelin urlaǵan qylmystyq top ustaldy

Foto: https://polisia.kz/

Oblystyq polısııa departamentine qarasty Krımınaldyq polısııa basqarmasynyń qyzmetkerleri jedel-izdestirý sharalaryn júrgizip, Jylyoı aýdanynda elektr baǵanalaryn qulatyp, kabelderdi urlap satýmen aınalysqan birneshe azamatty anyqtady. Kúdiktiler elektr kabelderin Aqtóbe qalasyndaǵy metall qabyldaý ortalyǵyna ótkizip otyrǵan.

«Olarǵa qatysty 16 epızodty qylmystyq is bastalyp, kúzetpen ustaý túrindegi bultartpaý sharasy qoldanylǵan. Atalǵan derek boıynsha QR QK-niń 188-baby 3-bóligimen (Urlyq) sotqa deıingi tergep-tekserý bastaldy. О́zge aqparat QPK-niń 201-babyna sáıkes jarııalanýǵa jatpaıdy», dedi Polısııa departamentiniń qyzmetkerleri.

Atyraý oblystyq Krımınaldyq polısııa basqarmasynyń bastyǵy Isa Bekqalıev qylmystyq top músheleri 100 mıllıon teńgeden astam shyǵyn keltirgenin jetkizdi.