Mádenıet jáne aqparat mınıstrligi men jastardyń qoǵamdyq birlestikteri muryndyq bolǵan ekologııalyq aksııaǵa Amangeldi aýylynyń jastary men batyr eskertkishine jaqyn ornalasqan Tasty aýylynyń turǵyndary atsalysty.
– Osy jolmen ári-beri aǵylyp jatqan kólikter Keıki babamyzdyń kesenesine burylmaı ketpeıdi. Jolaýshylardyń kóbi kesene basyna toqtap, quran oqyp, duǵa baǵyshtaıdy. Onyń syrtynda, alystan arnaıy kelip ketetin kisiler bar. Búgin, mine, aýdan ortalyǵynan jıyrma shaqty belsendi jas kelip, olarǵa bizdiń aýyldyń turǵyndary qosylyp, keseneniń aýmaǵyndaǵy shópti julyp, qoqystan tazarttyq. Ishi-syrtynyń shańyn súrtip, edenin jýdyq, – deıdi Tasty aýyldyq okrýginiń ákimi Erkin Qapyshev.
Aksııany uıymdastyrýshylardyń aıtýynsha, aýdan ortalyǵynda da dál osyndaı tazalyq is-sharalary qolǵa alynyp, Amangeldi batyr men Satybaldy ıshan keseneleriniń aýmaǵy, sondaı-aq Amantoǵaı aýyly mańyndaǵy ózen jaǵalaýyn tazartý jumystary júrgizilgen.
Respýblıkalyq aksııasy aıasyndaǵy tazalyq jumystary áli de jalǵasady. О́ıtkeni óńirde myńnan astam tarıhı-mádenı eskertkish bar. Onyń on shaqtysy jalpyulttyq mańyzy bar nysandar sanatyna engen. Oǵan jergilikti mańyzǵa ıe 28 eskertkishti qosyńyz. Jastar resýrstyq ortalyqtarynyń ókilderi aldaǵy senbide Qostanaı aýdanyndaǵy Ybyraı Altynsarın kesenesi men Baraq batyr kesenesiniń aınalasyn tazartýdy josparlap otyr.
Qostanaı oblysy
