Infografıkany jasaǵan – Amangeldi Qııas, «EQ»
Kezdesýde elimizdiń temirjol salasyn jańǵyrtý aıasynda Wabtec kompanııasymen aradaǵy yntymaqtastyqtyń keleshegi talqylandy. Sondaı-aq Prezıdenttiń AQSh-qa sapary aıasynda «Qazaqstan temir joly» «UK» aksıonerlik qoǵamy men Wabtec arasynda strategııalyq yntymaqtastyq týraly negizdemelik kelisimge qol qoıyldy.
Budan bólek, Prezıdent Q.Toqaev «Citigroup» kompanııasynyń bas atqarýshy dırektory Djeın Freızermen kelissóz júrgizdi. Kezdesý barysynda amerıkalyq Qarjy holdınginiń elimizdegi qyzmet aıasyn keńeıtý múmkindigi talqylandy.
Jıynnan keıin «Astana» halyqaralyq Qarjy ortalyǵynyń basqarýshysy Renat Bekturov Memleket basshysynyń Wabtec jáne Citigroup kompanııalarynyń jetekshilerimen ótkizgen kezdesýiniń nátıjeleri jóninde pikir bildirdi.
«Búgin Nıý-Iork qalasynda eki kezdesý ótkizdik. Onyń biri – Wabtec kompanııasy. Ekinshisi – Citibank. Wabtec kompanııasy negizi elimizde jıyrma jyldan beri jumys istep keledi. Qazir Astanada myńǵa jýyq adamdy jumyspen qamtyp otyr. Bul – amerıkalyq lokomotıv óndiretin kásiporyn. Búgingi jańa kelisimshart jańa kezeńniń bastalýy. Iаǵnı Citibank-tiń qarjylandyrýy arqyly Wabtec kompanııasy elimizde 240 jańa lokomotıv qurastyrmaq», dedi R.Bekturov.
Onyń aıtýynsha, mundaı kelisim Memleket basshysy Q.Toqaevtyń orta dálizdi damytý jónindegi tapsyrmasyn ilgeriletýge septigin tıgizedi. Bul mámileniń quny 900 mıllıon dollarǵa teń. Prezıdent «Ádiletti memleket. Birtutas ult. Berekeli qoǵam» Joldaýynda elimizdiń qazirgi geosaıası jaǵdaıda Azııa-Eýropa arasyndaǵy asa mańyzdy qurlyq dálizi bolyp otyrǵanyn aıta kelip: «Biz bul múmkindikti tolyq paıdalanyp, álemdik mańyzy bar kólik-tasymal torabyna aınalýymyz kerek», degen edi.
Wabtec kompanııasy «Qazaqstan temir joly» kompanııasynyń lokomotıv bazasynyń 15 paıyzǵa jýyǵyn jańartýǵa múmkindik berip otyr. Citibank korporasııasy 900 mıllıon nesıe beredi. Ol amerıkalyq Eksımbank garantııasymen bekitilgen. Sondyqtan bul másele AQSh Kongresinde qaralmaq. Bul elimizdiń sheteldik ınvestısııalarǵa, sonyń ishinde amerıkalyq ınvestısııaǵa ashyq ári qyzyq ekenin kórsetedi», dedi R.Bekturov.
Esterińizge sala keteıik, Fortune 500-diń tizimine enetin Wabtec (Westinghouse Air Brake Technologies Corporation) kompanııasy kólik jáne logıstıka salasyndaǵy álemdik kóshbasshylardyń biri sanalady. Qazirgi tańda kompanııada 50-den astam elden 27 myńnan astam qyzmetker jumys isteıdi.
