Foto: gov.kz
Jańa Zelandııanyń Oklend qalasynda 17 qyrkúıekte bastalyp, 21 qyrkúıekke deıin ótetin «Polısııadaǵy áıelder» 60-halyqaralyq konferensııasyna («International Women in Policing Conference») qatysýshy delegasııa quramyna kadr saıasaty departamenti basshysynyń orynbasary Amına Almaǵambetova, ÁPK uıymdastyrý-taldaý jumysy jáne baqylaý basqarmasynyń bastyǵy Quralaı Karına, ÁPK erekshe tapsyrmalar jónindegi aǵa ınspektory Leıla Álipbaeva, IIM Almaty akademııasy bastyǵynyń ǵylymı jumys jónindegi orynbasary Janat Dılbarhanova kirdi.
Aıta ketsek, álemniń 75 elinen 800-den astam áıel-polıseıdiń qatysýymen jyl saıyn ótetin atalǵan konferensııa ulttar sherýinen bastalyp, áıelder delegasııasy Qazaqstannyń baıraǵyn maqtanyshpen kóterdi.
IIM baspasóz qyzmetiniń málimetinshe, atalǵan konferensııaǵa qatysatyn Qazaqstannan barǵan árbir áıel-polıseıde polkovnık sheni bar. Halyqaralyq polıseı áıelderdiń konferensııasy quqyq qorǵaý qurylymdarynda basshylyq laýazymyndaǵy áıelder arasynda tájirıbe, bilim, ıdeıa almasý úshin arnaıy uıymdastyrylǵan.
Aıta ketsek, bul - álemdegi quqyq qorǵaý salasyndaǵy eń bedeldi is-sharalardyń biri.
