Tipti ýnıversıtette qajet aqparattardy kóbine orys tilinde jazylǵan kitaptar men aqparat kózderinen alatyny da ótirik emes. О́ıtkeni qazaq tilinde saýatty ári túsinikti jazylǵan ǵylymı kitaptar men aqparattardy tabý áli de qıyn. Sonda qazaq tili qaıtse ǵylym tiline aınalady?..
Biz qoıǵan saýaldyń jaýabyn Alash azamattary aıtyp ta, ispen dáleldep te ketken. Sol kezeńde jazylǵan «Qazaq hrestomatııasy», «Álippe», «Oqý quraly», «Esep quraly», «Pedagogıka», «Psıhologııa» kitaptary – qazaq ǵylymynyń negizi. Olar óz zamanynda oqý-ádistemelerin aýdaryp, kitap jazýdy qolǵa alý arqyly oqý mádenıetin qalyptastyryp, aǵartýshylyqpen aınalysty. Endeshe qazaq tilinde jazylǵan ǵylymı eńbekter kóbeıse, qazaq tiliniń ǵylymdaǵy tynysy sonda ashylady. Abaı ýnıversıtetiniń ǵalymdary daıyndaǵan genetıka salasyna elektrondy oqý quraly zamanǵa laıyqtalǵan tıimdi oqýlyq.
Oqý quralyn Jaratylystaný jáne geografııa ınstıtýtynyń jas ǵalymdary men professor-oqytýshylar quramy bıologııa ǵylymdarynyń doktory Doktorhan Aıdarbaevanyń jetekshiligimen ázirlengen.
Kitapty daıyndaýshylardyń aıtýynsha, elektrondy oqý quralynyń maqsaty – bıolog stýdentterge organızmderdiń tuqym qýalaýshylyq pen ózgergishtik zańdylyqtaryn, tuqym qýalaýshylyqtyń sıtologııalyq negizderi týraly tereń bilim berý. Elektrondy oqý quralynyń mazmunyna kirispe, dáris tezısteri, zerthanalyq jattyǵýlar, stýdentterdiń óz betimen oryndaıtyn tapsyrmalary, test tapsyrmalary, genetıkadan ártúrli taqyryptaǵy oqý fılmderi engizilgen. Oqý quralynyń kómegimen stýdentter qazirgi genetıkanyń ártúrli taqyryptary boıynsha bilim alady.
