Bilim jemqorlyqtan arylsyn desek...

О́tken oqý jylynda 3 jyl boıy 6 mekteptiń aqshasyn jym­qyryp kelgen bas esep­shi ustalǵan bolatyn. Bıýdjet­ten 2 mlrd teńgeni urlaǵan Tal­dyqorǵan qalalyq bilim bó­liminiń bas esepshisi Mad­len Serǵazınova jumys iste­meıtin adamdardyń shotyna jalaqy aýdaryp otyrǵan. Abaı oblysyna qarasty  6 aýdan­da 3 dırektor, 6 esepshi, 1 eko­nomıst bıýdjetke 19,7 mln teńge shyǵyn keltirgen. Aı­ta bersek, mundaı mysal ár óńir­de bar. Bıýdjetten qarjy bólingen soń, qolǵa túsken aq­sha­ǵa ózim qoja degendeı jem­qor­lyqqa beıim mektep dırek­torlary, bas esepshiler, meńge­rýshiler, bas mamandar amalyn taýyp, aılasyn asyrady.

Sybaılas jemqorlyqqa qarsy qyzmettiń málimetinshe, keıingi 3 jylda 453 is tirke­lip, 165 adam sottalǵan. Al bıýd­jettiń 11 mlrd teńgesi qol­dy bolǵan. Kóbine aq­sha eń­bekaqy qory arqyly ur­la­­na­dy. Buǵan sebep – ashyq qa­da­ǵalaý júıesiniń joq­tyǵy.

– Bilim salasyna bólin­gen bıýdjettik qarajat ne­gi­zinen eńbekaqy qory arqy­ly urlanady. Aldymen, bıýdjettik ótinim beriledi. Bilim bólimi arqyly tamyr-tanysy bar mektepterge bó­linedi. Artynsha ártúrli tá­silder arqyly, máselen, múl­dem jumys istemeıtin adamǵa eńbekaqy tóleý arqyly aqsha urlana bastaıdy, – deıdi Sy­baılas jemqorlyqqa qarsy is-qımyl agenttiginiń tóraǵasy Ashat Jumaǵalı.

Osyǵan baılanysty Pav­lo­dar oblysynda júıeni sıfr­lan­dyratyn qanatqaqty jo­ba ázirlenip, iske qosyldy. Jobany oblys ákimdigi men Sybaılas jemqorlyqqa qar­sy is-qımyl agenttigi birlesip júzege asyryp jatyr. Baǵ­dar­lamaǵa jalaqynyń 50 paıy­zynan asqan avans tó­lem­derin baqylaý jáne bu­ǵat­­taý tetigi, pedagogter men bas­­qa da qyz­metkerlerdiń ju­­mys saǵattaryn qadaǵalaý, sabaq­qa qatysýdy baqylaý, qyzmetkerlerdiń ýaqytyn esepke alý tabelin avtomatty túrde qalyptastyrý, qazy­na­shy­lyq eseptilik nysandaryn tikeleı aqparattyq júıege júkteý qyzmetteri engiziletin bolady. Buǵan deıin «bultty esepshi» jobasy bilim berý mekemelerinde synaqtan ót­ken bolatyn. Al jeltoqsan aıyna deıin aımaq kóleminde iske qosý josparlanǵan. Qa­nat­qaqty joba nátıjeli bolsa, elimizdiń barlyq óńi­rinde qoldanylady.

– Biz mınıstrliktermen, óńirdegi atqarý organdarymen birlesip osy másele boıynsha zertteý jumysyn júrgizgende, bilim salalasyndaǵy urlyq, eń aldymen, sıfrlandyrý, avtomattandyrý jumystary júrgizilmegendikten bolady degen qorytyndyǵa keldik. О́ıtkeni qujattar tek qaǵaz kúıinde jasalady. Mektep esepshileri dırektorlarmen kelisip nemese kerisinshe bilim berý salasyndaǵy bólim basshylary esepshilermen kelisip qarjyny qoldy qylady. Al osy júıeni engizgen 2020 jyl­dan bastap jemqorlyq fak­tilerin turaqty túrde anyq­taı bastadyq. Bul qyl­mys­tyq isterge jol bermeýi­mizge aıtarlyqtaı paıdasyn tıgizip jatyr. Biraq mu­ny aımaqtyq joba retinde bas­taǵan edik. Endi ári qaraı tıisti organdarmen birlese otyryp, jobany respýblıka deńgeıinde paıdalanýǵa kúsh salamyz. Birtindep tutastaı bilim salasyna engizilse, ári qaraı densaýlyq saqtaý salasynda da paıdalanyp kórýge bolady, – dedi Sybaılas jemqorlyqqa qarsy is-qı­myl agenttigi aldyn alý qyz­metiniń basshysy Saıan Ahmetjanov.

Elimizde memleket qa­zyna­synyń úshten biri bi­lim­ge bólinedi eken. Al jańa saladaǵy bylyqqa jol bermeýge, bıýdjet qarajatynyń bútin saqtalýyna ashyqtyqtyń aıtarlyqtaı oń áseri bar.