Foto: ashyq derekkóz
QR QMA baspasóz qyzmetiniń málimetinshe, qalalyq kommýnaldyq kásipornynyń basshylyǵy kúdikke ilingen. Tergeý nusqasy boıynsha, olar jumys pen taýarlardyń qunyn joǵarylatyp, jylý jelileri men elektr jelilerin aǵymdaǵy jóndeýge bólingen bıýdjet qarajatyn urlaǵan.
Quqyq qorǵaý organdary osy ádispen bıýdjetten urlanǵan qarajat kólemi 1,1 mlrd teńge dep baǵalaǵan.
«Kúdiktiler sottyń sanksııasymen qamaýǵa alyndy. Sheneýnikter zańsyz jolmen tapqan aqshany paıdalanyp, Astanadaǵy elıtalyq turǵyn úı keshenderinen quny 150 mln teńgeden asatyn jyljymaıtyn múlik satyp alǵan», dep habarlady vedomstvonyń baspasóz qyzmeti.
Tergeý sotynyń sanksııasymen barlyq múlikke tyıym salyndy.
