Kollajdy jasaǵan – Qonysbaı ShEJIMBAI, «EQ»
Ádilet mınıstrliginiń, respýblıkalyq notarıattyq palata men «Ulttyq aqparattyq tehnologııalar» AQ aqparattyq júıeleri arasyndaǵy ıntegrasııa azamattarǵa notarıýsqa barmaı-aq notarıat kýálandyrǵan qujattardy birneshe mınýt ishinde alýǵa múmkindik beredi. Erli-zaıyptylardyń kelisimin talap etetin qujattardy rásimdeý eGov mobile qosymshasynyń «eNotary» bóliminde qoljetimdi. Qyzmetti paıdalaný úshin onlaın rejimde bıometrııalyq tekserýden ótý kerek. Notarıýs tutynýshynyń derekterin teksergennen keıin kelisim rastalsa, notarıaldy kýálandyrylǵan qujat jasalady. Beıneqońyraý aıaqtalǵannan keıin paıdalanýshy «Notarıattyq is-áreketter» bóliminde ótinimniń mártebesin kóre alady. eGov mobile qosymshasynyń «Sıfrly qujattar» bólimindegi QR kodty skanerleý arqyly beınekameranyń kómegimen resmı kýálandyrylǵan senimhattyń túpnusqalyǵyn tekserýge de bolady. Jańa senimhat «Sıfrly qujattar» bóliminde qoljetimdi.
– Bıyl sáýir aıynda eGov mobile qosymshasynda «eNotary» qyzmeti iske qosyldy ári qazirgi kezde ol suranysqa ıe qyzmetterdiń qatarynda. Azamattardyń osy qyzmetti paıdalana otyryp, álemniń kez kelgen núktesinen qajetti qujatty kýálandyrýǵa múmkindigi bar. Bul qyzmet yńǵaıly, óıtkeni qujattardy rásimdeýge notarıýsty izdep, oǵan barýdyń qajeti joq. Endi erli-zaıyptylardyń kelisimin birneshe mınýt ishinde onlaın rejimde alýǵa bolady, – dedi «Ulttyq aqparattyq tehnologııalar» AQ basqarma tóraǵasy Rostıslav Konıashkın.
