– «Til taǵdyry – el taǵdyry» jobasy úsh jyldyq granttyq joba. Azamattyq bastamalardy qoldaý ortalyǵy jáne «Bolashaq Qazaqstanǵa» qoǵamdyq stýdenttik birlestigi iske asyryp jatqan joba 2025 jyldyń sońynda aıaqtalady. Osy oraıda eki aýqymdy konkýrs ótkizilmekshi. Birinshisi – «Aqyl Battle Cup» respýblıkalyq zııatkerlik oıyny, ekinshisi – ózge ult ókilderi arasyndaǵy «Elim degender» baıqaýy, – dedi Azamattyq bastamalardy qoldaý ortalyǵy basqarma tóraǵasynyń mindetin atqarýshy Arman Ashkın.
Jalpy, elimizde 130-dan asa ózge etnos ókili turady. Jobanyń basty maqsaty – otandastarymyzdyń arasynda memlekettik tildi dáripteý, qazaq tiliniń qoldanys aıasyn keńeıtý. Úmitkerler aldymen óńirlerde irikteledi.
– Baıqaýdyń alǵashqy kezeńinde ár qatysýshy ózi tańdaǵan atalym boıynsha ótinimder jiberedi. О́zderine qatysty aqparatty beınerolık retinde jiberýi shart. Qazylar alqasynyń quramynda til mamandary, qoǵam qaıratkerleri, osy salada júrgen myqty mamandar bolady. Olar qatysýshylardy tórt atalym boıynsha irikteıdi. Birinshi, «Aqyndar músháırasyna» qatysýshylar – qazaq tilinde óleń jazatyn ózge etnos ókilderi. «Kórkemsóz óneri» – belgili bir qazaq aqyndarynyń, jazýshylarynyń shyǵarmalaryn tańdap alyp, ózderi óleń oqyp berýi qajet. Kelesi «Aspaptyq óner» – qazaqtyń ulttyq aspaptarynda shyǵarmashylyq kompozısııany oryndap, óner kórsetedi. Al sońǵysy – «Dástúrli án» atalymy. О́ńirlerden beınematerıaldardyń siltemesi elimdegender.kz@gmail.com poshtasy arqyly qabyldanady. Beınejazbanyń uzaqtyǵy tórt mınýttan aspaýy qajet. Úzdik dep tanylǵan 100 qatysýshy Astana qalasynda ótetin baıqaýdyń fınalyna joldama alady, – deıdi joba jetekshisi Bıbinur Sherbaeva.
«Elim degender» baıqaýy qorytyndy kezeńiniń júlde qory 4 mıllıon teńgeni quraıdy. Ár atalym boıynsha I, II jáne III oryn ıegerleri belgilenedi.
– I oryn ıegerleri 500 myń teńge mólsherinde syıaqyǵa ıe bolsa, II oryn ıegerlerine 300 myń teńgeni tabystaımyz. Al III oryn ıegerleri 200 myń teńgelik júldeni enshilemek, – dedi Bıbinur Sherbaeva.
