Is-sharaǵa Qazaqstan men Ázerbaıjannyń memleket jáne qoǵam qaıratkerleri, túrkitildes elderdiń dıplomatııalyq ókildikteri men halyqaralyq uıymdarynyń basshylary, ǵalymdar, jazýshylar, Qazaqstannyń jetekshi joǵary oqý oryndarynyń stýdentteri qatysty.
Basylymda uly oıshyldyń týyndylary, onyń ómiri men shyǵarmashylyǵy týraly maqalalary usynylǵan. Sondaı-aq jınaqta Abaı eskertkishteri men músinderi týraly aqparat berilgen.
Basylymnyń taralymy - 500 dana. Sonymen qatar jınaqtyń elektrondy nusqasy da oqyrman úshin qoljetimdi.
Qazaqstan Respýblıkasy Prezıdenttik ortalyǵy dırektorynyń orynbasary Botagóz Qaıypova óz sózinde Abaı Qunanbaevtyń esimi qazaq halqynyń ǵana emes, búkil túrki áleminiń mádenı murasyna altyn áriptermen jazylǵanyn atap ótti.
Halyqaralyq túrki mádenıeti men murasy qorynyń prezıdenti Gıýnaı Efendıevanyń aıtýynsha, Qordyń kezekti baspa jobasy bolyp sanalatyn bul jınaqta Ázerbaıjandaǵy Abaı shyǵarmashylyǵyna degen tereń súıispenshilik pen qurmet kórinis tapty.
О́z kezeginde Halyqaralyq túrki akademııasynyń prezıdenti Shahın Medjıd ogly Mustafaev uly fılosof pen aǵartýshy bolǵan Abaı Qunanbaevtyń shyǵarmalary osy kúnge deıin ózektiligin joǵaltpaǵanyn atap ketti.
Is-shara sońynda QR Prezıdenttik ortalyǵy men Halyqaralyq túrki mádenıeti men murasy qory arasynda Memorandýmǵa qol qoıyldy. Bul qujattyń basty maqsaty – túrki mádenıetiniń damý tarıhyn zerdeleý boıynsha birlesken mádenı-bilim berý jáne ǵylymı-zertteý jobalaryn iske asyrýda tyǵyz yntymaqtastyq ornatý.
