Yqpaldastyq pen senimge negizdelgen uıym

Is-sharaǵa Parlament depýtattary men Prezıdent ákimshiligi men Úkimettiń jaýapty qyzmetkerleri, Syrtqy ister mınıstrliginiń basshylyǵy, sheteldik elshiler men dıplomatııalyq korpýs ókil­deri, sondaı-aq akademııalyq top mú­she­leri men bıznes-qaýymdastyq ókilderi qatysty.

AО́SShK Bas hatshysy Qaırat Sa­rybaı jınalǵandardy quttyqtap, ótken jyldaǵy negizgi jetistikterge toqtaldy. Onyń aıtýynsha, AО́SShK elderiniń Syrtqy ister mınıstrleri qatysqan aýqymdy talqylaýlardan keıin uıym transformasııasynyń jol kartasy ázirlengen. Bul yntymaqtastyq alańyn jańa deńgeıge shyǵarýdy kózdeıtin segiz baǵytty qamtyǵan. Ol sondaı-aq múshe memleketterdiń AО́SShK úderisine, ásirese ekonomıkalyq, ekologııalyq ólshemderge jáne jańa syn-qaterler men qaýip-qaterlerge belsendi aralasyp, sheshimin tabýǵa umtylysyn joǵary baǵalady. Bas hatshy Qytaı men Tá­jikstan elshilikterine osy is-sharaǵa qosqan jomart úlesi úshin alǵysyn bildirdi.

Budan keıin sóz alǵan Syrtqy ister mınıstriniń orynbasary Álibek Ba­qaev Qazaqstannyń tóraǵalyǵy atynan AО́SShK múshelerin quttyqtady. «AО́SShK músheleri básekelestikten góri yntymaqtastyqty tańdaıdy. HHI ǵasyrdy Azııa ǵasyryna aınaldyrýǵa saıası erik-jigerin baǵyttaýǵa kómek­tesetinine senimdimin», dedi Á.Baqaev.

Sonymen qatar vedomstvo basshysy­nyń orynbasary saltanatty sátti paıdalanyp, AО́SShK Bas hatshysynyń orynbasary, qytaılyq dıplomat Chı Fan hanymdy «Shapaǵat» medalimen marapattady. Bul memlekettik nagrada Qazaqstan Prezıdentiniń Jarlyǵymen Chı Fan hanymnyń osy qyzmettegi úsh jyldyq qyzmeti jáne AО́SShK úderisin damytýǵa qosqan jeke úlesi úshin sińirgen eńbegi úshin berildi.

Dıplomatııalyq korpýstyń dekany, Palestına elshisi doktor Montaser Abý Zeıd AО́SShK hatshylyǵyn ótken jylǵy tabysyna rızashylyǵyn bildirdi. Astanadaǵy dıplomatııalyq ókildikter atynan alǵys retinde Chı Fan hanymǵa AО́SShK Bas hatshysynyń orynbasary retindegi tamasha qyzmeti úshin alǵys aıtyp, syılyq tabys etti.

Bas hatshynyń orynbasary Chı Fan marapat alyp turǵan kezindegi sózinde Qazaqstan Prezıdenti Qasym-Jomart Toqaev myrzaǵa, AО́SShK tóraǵalyǵyna, Qytaı Halyq Respýblıkasyna jáne AО́SShK Bas hatshysyna alǵysyn bildirdi. Sondaı-aq Almaty mańynda orna­las­qan, teńiz deńgeıinen 4317 metr bıik­tegi Sátbaev shyńyna AО́SShK jasa­ǵan sapardyń artyqshylyǵyn atap ótti.

Uıymnyń 31 jyldyǵyna arnalǵan is-shara AО́SShK-ge múshe memleketterdiń, baıqaýshylardyń, seriktes uıymdardyń jáne dıplomatııalyq korpýstyń turaqty ustanymdaryn rastaıtyn ózgeristiń bastalýy retinde qarastyrylatyny da aıtyldy. Sonymen qatar is-shara qatysýshylardyń AО́SShK-niń bes baǵy­ty boıynsha Azııadaǵy óńirlik ynty­maqtastyqty damytýdy jáne uıym­nyń ınstıtýsıonaldyq turǵyda ny­ǵaıýyn qoldaıtynyn atap ótti.