Bilim kórmesiniń jańa kókjıegi

Sonymen osynaý aýqymdy is-shara «International Educational Fair – 2023» dep atalady. Ol – jyl saıyn ót­kiziletin halyqaralyq bilim kórmesi. Respýb­lıkanyń úshinshi megapolısimen birge Astana men Almaty qalalarynda da ótip jatyr. Shymkent qalasy ákiminiń birinshi orynbasary Qýanysh Asylov kórmeniń resmı ashylýyna qatysyp, júrekjardy lebizin jetkizdi. Shahar basshysy birinshi orynbasarynyń aıtýynsha, búgingi tańda bilim berý júıesin túbegeıli jańǵyrtý qajet. Burynǵy ádisterdiń ornyna jańadan zamanaýı úlgidegi álemdik standartqa saı pedagogıkalyq tásilderge kóshken abzal. Ol dýaldy oqytý júıesi, ınklıý­zıvti bilim, jańa qoǵamǵa qajetti ma­mandyqtardy ıgerý syndy baǵyttar. Bul jóninde Prezıdenttiń bıylǵy 1 qyr­kúıektegi «Ádiletti Qazaqstannyń eko­­nomıkalyq baǵyty» atty Qazaqstan halqyna arnaǵan Joldaýynda aıtylyp ótkenin tilge tıek etti. Joldaýda Memleket basshysy balalarǵa, jastarǵa sapaly bilim berýmen ony tájirıbemen ushtastyrý arqyly kadr tapshylyǵy máselesin sheshýge bolatynyn jáne eńbek kúshiniń kómegimen ekonomıkany ba­rynsha kóterýge múmkindik týaty­nyn baıandaǵan. Bılik ókiliniń málim­deýinshe, halyqaralyq kórme jastar­dyń ózge oqý oryndarynyń áleýe­timen tanysýǵa, otandyq bilim berý salasynyń artyqshylyqtaryn tájirıbe júzinde salystyryp kórýge múmkindik almaq. Dúnıe júziniń 60 elinen kelgen joǵary oqý oryndarynyń bir alań­da óz múmkindikterin jarııa etýi – álbette jergilikti jastar úshin úlken baqyt. Ári keleshekte qaıda oqıtynyn baǵdarlap júrgen mektep oqýshylaryna da naǵyz jol siltegish boldy. О́z sózinde sala basshysy osy kúnde shekaralar ashylǵan zamanda órkenıetti elderde jańa mamandyq ıgerip qaıtý asa qıyndyq týdyrmaıtynyn atap ótti. Onyń ústine «Bolashaq» sekildi baǵ­darlamamen bilimge qumar biraq shetelge barýǵa múmkindigi jete bermeıtin jas­tar úshin memleket esebinen tegin oqýǵa bar jaǵdaı jasalǵan. Sondyqtan ákimniń ıdeologııa salasyna jaýapty birinshi orynbasary jastardy memleket usynǵan osyndaı múmkindikterdi qalt jibermeı, búgingideı is-shara aıasynda óziniń bolashaqta oqıtyn bilim ornyn tańdaýǵa shaqyrdy. El bolashaǵy árdaıym jastardyń qolynda degen ol urpaǵy bilimdi el árdaıym ór­kenıettiń aldyńǵy qatarynda júre­tinin jáne mundaı memlekette eshqashan bilikti mamandarǵa degen suranys azaımaıtynyn, kerisinshe kadrlyq áleýe­ti joǵary bolatynyn jetkizdi.

Shymkenttegi halyqaralyq kórme qazan aıynyń 7-sinde máresine jetti. Al is-sharanyń saltanatty jabylý rásimi О́zbekstan astanasy – Tashkent qalasynda uıymdastyrylady. О́z keze­gin­de kórmeniń ótýine bilim, máde­nıet, medıa salasynda qyzmet kórsetetin «Aii Group», «Vilim» sekildi kompanııalar muryndyq boldy.

Qalalyq bilim basqarmasynyń basshysy Janat Tájıeva da is-sharaǵa arnaıy qatysyp, mekteptiń joǵary syny­bynda oqıtyn oqýshylarǵa, stýdentterge, keshe ǵana qolyna dıplom alǵan jas mamandarǵa aldaǵy ómirlerine sáttilik tilep, memleket árdaıym óskeleń urpaq­tyń bilim nárimen sýsyndaýyna jaǵdaı ja­saı beretinin málimdedi.

Shahardyń bas ustazynyń aıtýynsha, Prezıdent Joldaýda baıan etkendeı búgingi bilim salasyndaǵy basty mindet ol – básekege qabiletti jastar tárbıeleý, solardyń sapaly bilim alýyna bar múmkindikti qarastyrý. Sonymen birge sheteldik bilimniń qoljetimdiligi de mańyzdy. Mektep túlekterine, ýnıversıtet bitirýshilerge sheteldik joǵary oqý oryndaryna túsýge tańdaý aýqymy ke­ńeıse, sonyń ózi – bir baqyt. О́ıtkeni búgingi jas tek óz Otanynda shektelip qalmaı jer kezip, el tanyp bilimniń qaınar bulaǵynan qanyǵa sýsyndaýy qajet. Al osyndaı ıgi is-shara jastardyń jan-jaqty damýyna, bilim kókjıegin keńeıtýine, ári alysty jaqyndata tús­ken búgingi jahandaný dáýirinde jer sharynyń túkpir-túkpirindegi daryndy urpaqtyń bir-birimen tájirıbe almasýy­na dańǵyl jol ashady.

Uıymdastyrýshylar málimdegendeı, jalpy bıyl «International Educational Fair – 2023» halyqaralyq bilim kórmesi osymen jetinshi márte ótip otyr. Qala ákimdigi men qarapaıym halyq kelesi halyqaralyq bilim kórmesinde de osyndaı mańyzdy ári qyzyqty usynystar men talaptardyń bolatyna senim bildirdi.

ShYMKENT