Elge oralǵan jolaýshylardy týystary men jaqyndary áýejaıdan qarsy aldy. Biz de solardyń qatarynan tabyldyq. Arnaıy repatrıasııalyq reıspen kelgenderdiń 124-i Qazaqstan azamaty, qalǵany – sheteldikter. Almatyǵa kelgen azamattardyń ishinde «bolashaq» baǵdarlamasy boıynsha taǵylymdamadan ótip jatqan 14 stıpendıat bar. Áýekompanııa mamandary Izraıldiń ákimshilik avıasııa qyzmeti reıstiń jolǵa shyǵýyna kelisim boıynsha kómek kórsetkenin málimdedi.
- «Air Astana» áýekompanııasy otandastarymyzdyń taǵdyryna alańdap, osyndaı sheshim qabyldady. Azamattardy Tel-Avıvten shyǵaryp alý ońaıǵa túspedi. О́ıtkeni bizdiń basshylyqqa barlyq qıyndyqtar men táýekelderdi eskerýge týra keldi. Ol jaqta qaýip óte joǵary. Degenmen el azamattarynyń esen-saý oralýy tek áýekompanııanyń táýekelimen ǵana emes, Elshiliktiń qoldaýymen júzege asqanyn aıtýymyz kerek. Reıs ýaqyty kesteden aýytqyǵan joq. Al jalpy soǵys órti tutanǵan elderge turaqty baǵyttarymyzdy toqtatqan bolatynbyz. Borttaǵy 166 adamnyń ekeýi náreste. Taǵy mundaı reısterdiń qaıtalanatyny týraly ázirge aıta almaımyz. Jolaýshylar tizimin Izraıldegi Qazaqstan Elshiligi jasaqtady. Bıleti joq azamattarǵa da jedel túrde tómendetilgen tarıfpen bıletter sattyq. Osy saparǵa eń tájirıbeli ushqyshtar men ekıpaj músheleri tańdaldy. Komandır Oleg Kolesnıkov bastaǵan mamandar mańyzdy tapsyrmany jaqsy oryndap shyqty, - deıdi «Air Astana» áýekompanııasynyń kommýnıkasııa jónindegi menedjeri Tilek Abdrahımov.
Týystarymen saǵynysyp kórisken birqatar jolaýshylardy áńgimege tarttyq. Solardyń biri – «Bolashaq» stıpendııasy boıynsha Izraılde taǵylymdamadan ótip jatqan Úmit Jeldibaeva.
«Izraıldegi Qazaqstan Elshiligi alǵashqy kúnnen bastap bizge demeý berdi. Sondyqtan bálendeı qorqynysh bolǵan joq. Biz ómir súrip jatqan Haıfa qalasy negizinen tynysh. Degenmen dabyldardyń daýsy, tóbedegi ushaqtardyń jıileýi azdap úreı týǵyzdy. Aldyn ala saqtanyp, elge qaıtýǵa bel býdyq. Biz ushaqqa mingeli turǵanda kóptegen shetel azamattary ózderin ala ketýdi ótinip, tipti ushaqta jerge otyryp barýǵa daıyn ekenderin aıtyp jatqanyn baıqadym», deıdi ol.
